Хамилтон доминантен во Унгарија, успеа да се израмни со Шумахер

Луис Хамилтон успеа по осми пат во кариерата да слави на Hungaroring со што успеа да го израмни рекордот на Михаел Шумахер по бројот на победи на една патека. Легендарниот Германец во својата славна кариера успеа осум пати да се искачи на победничкиот пиедестал на Magny-Cours во Франција. Шесткратниот светски шампион успеа да ја забележи својата втора победа сезонава, а вкупно 86-та во кариерата, со што сега е на само пет победи од рекордот на Шумахер според бројот на победи на сите времиња.

🏆🏆🏆🏆🏆🏆🏆🏆@LewisHamilton equals Michael Schumacher's F1 record 👏 #HungarianGP 🇭🇺 #F1 pic.twitter.com/nfVOyDjmlv

— Formula 1 (@F1) July 19, 2020

По се изгледа дека Луис Хамилтон ќе ја продолжи доминацијата во Formula 1 и оваа сезона. По само три трки, фантастичниот Британец веќе запиша две победи и граби кон уште една титула, со која ќе дојде до бројот седум, колку што изнесува уште еден рекорд на Шумахер. Откако беше најбрз на Red Bull Ring, во трката за Големата награда на Штаерска, Хамилтон запиша уште еден триумф и тоа на мошне доминантен начин, бидејќи од првиот до последен круг беше лидер, освен кога влегуваше во боксот.

'Get in there Lewis' 🎧🗣

An eighth win in Hungary for @LewisHamilton – and he takes top spot in the driver standings after three races of the 2020 season 🏆#HungarianGP 🇭🇺 #F1 pic.twitter.com/yHEPFZY4sO

— Formula 1 (@F1) July 19, 2020

Зад Хамилтон, на второто место заврши Макс Ферстапен од Red Bull. На третото место заврши уште еден возач на Mercedes, Валтери Ботас. Победата на актуелниот шампион во ниту еден момент не беше загрозена. Интересно, само четворица возачи трката ја завршија во ист круг со него, додека борбата за второто место беше релативно неизвесна. Ферстапен во најголем дел беше второпласиран, за во самиот финиш Ботас да успее да го стигне, а во последниот круг почна и да го предизвикува. Но, иако успеа да му се доближи целосно, Финецот немаше доволно време за напад. Исто така и Хамилтон му го „украде“ бодот за најбрз круг на трката.

Not the start that Valtteri Bottas was looking for 🚦

Michael Masi, FIA Race Director, said the movement was within the tolerance of the sensors and systems used to determine a jump start

But Bottas ended up losing several places in the run to Turn 1#HungarianGP 🇭🇺 #F1 pic.twitter.com/kUhGbnb7Xf

— Formula 1 (@F1) July 19, 2020

Lights out 🚦@Max33Verstappen 🚀#HungarianGP 🇭🇺 #F1 pic.twitter.com/9Yid8RYKcC

— Formula 1 (@F1) July 19, 2020

По победничкото трио следува возачот на Racing Point Ленс Строл, пред Александер Албон од Red Bull и четирикратниот шампион Себастијан Фетел. Серхио Перез од Racing Point беше седми, пред Даниел Рикардо од Renault и возачот на Haas Кевин Магнусен. Последниот бод му припадна на Карлос Саинс во McLaren. Tој во директниот дуел беше подобар од возачот на Ferrari Шарл Леклер.

Take a few seconds to kick back with some epic @LandoNorris v @Charles_Leclerc 🍿 ⚔️#HungarianGP 🇭🇺 #F1 pic.twitter.com/2NOiFR4yZ8

— Formula 1 (@F1) July 19, 2020

Во генералниот пласман води Луис Хамилтон со 63 бода, Ботас е втор со 58, а Ферстапен трет со 33. Сезоната во Formula 1 продолжува на 2 август во Silverstone.