Во Европа ништо ново, Golf најпродаван модел за 2020

Со повеќе од 312.000 единици на Volkswagen Golf продадени ширум Европа, од кои 134.000 во Германија, последната генерација на најпопуларниот и најдобро продаваниот модел на Volkswagen, продолжува онаму каде што застана седмата генерација.

Volkswagen ја престави осмата итерација на Golf во октомври 2019 година, со што 2020 беше првата моделска година за Golf. Со најновата изведба, VW се обиде да направи големи промени кога станува збор за технологијата и инфозабавата во самиот автомобил, додека механиката на автомобилот останува слична со претходно.

„Со Golf 8 ние ја продолжуваме успешната приказна на претходните генерации. Автомобилот продолжува да поставува технички стандарди во многу димензии. По избувнувањето на пандемијата на коронавирусот на пролет, дојде до прекин во лансирањето на пазарите кое штотуку започна, па Golf имаше многу за достигнување во втората половина од годината“, вели извршниот директор на Volkswagen, Ралф Брендштетер.

Во текот на изминатата година, VW исто така ги претстави GTI, GTD и GTE перформансните верзии на Golf, што и тоа како помогна во продажбата. Високата побарувачка за хибридните модели исто така беше фактор во целата приказна, со оглед на тоа дека еден од секои три продадени Golf модели во 2020 бил хибрид.

Покрај Golf, Volkswagen доминираше со продажбата во Европа, со тоа што Tiguan и Passat беа втор и трет најпродаван модел во Германија.