Peugeot 3008 слави јубилеј – еден милион произведени единици

Еден од најпродаваните модели на францускиот бренд, Peugeot 3008, пет години откако го доживеа лансирањето на пазарот веќе слави голем јубиле, а тоа е еден милион произведени единици. По овој повод, вработените во фабриката во Сошо на интересен начин го прославија лансирањето на ова јубилејното возило – Peugeot 3008 Hybrid.

Peugeot 3008 се произведува во Европа и Кина, а веќе започна со освојување на експертите уште пред да се појави на пазарите, бидејќи има добиено седумдесет и шест награди ширум светот, вклучувајќи ја и престижната награда „Автомобил на годината“ во 2017 година.

На матичниот пазар во Франција, Peugeot 3008 е лидер во својот сегмент уште од првиот месец по појавувањето на пазарот. Во Европа, тој е на второто место во сегментот SUV во 2021 година. Исто така, зазеде силна позиција во Јужна Европа, каде што е број еден во Португалија и број два во Италија и Шпанија.

Европа сочинува 65% од продажбата на Peugeot 3008. Неговите главни пазари надвор од Европа се Турција, Израел, Јапонија и Египет. Повеќе од 80% од продажбата на Peugeot 3008 се верзии со автоматски менувач, а речиси 38% се од повисоките сегменти, што совршено го илустрира позиционирањето на брендот Peugeot на пазарот.

3008 ја нуди најновата генерација на системи за помош при возење, како и i-Cockpit со нов висококвалитетен дисплеј и нов 10-инчен екран на допир со висока резолуција. Возилото е совршено олицетворение на „моќта на избор“, нудејќи хибридни мотори на полнење, погон на две или четири тркала и мотори со внатрешно согорување, комбинирајќи ги уживањето во возењето и ефикасноста.

Рeugeot 3008 ги освои клиентите благодарение на своите динамични квалитети и препознатливиот, современ надворешен изглед. Внатрешноста, со својот i-Cockpit®, нуди технолошка, топла и пријатна атмосфера, многу поинаква средина во која клиентите се чувствуваат удобно и едно од најдобрите нивоа на целокупно задоволство во Европа.