Женева 2018: Porsche 911 GT3 RS-атмосферските мотори не се мртви!

Под задниот капак Porsche 911 GT3 RS располага со 4.0-литарски атмосферски мотор, кој веќе генерира моќност од 520 КС, 20 КС повеќе од порано. Како резултат на подобрувањата, ова се претвори во најбрзата атмосферска варијанта на 911, а можеби и во најбрз сериски атмосферски автомобил во светот во моментов.

Забрзувањето од 0 до 100 km/h е за 3,2 секунди, а максималната брзина е над 300 km/h. Подобрувања освен кај моторот моторот, исто така се достапни во суспензијата, како и во системот за контрола на задните тркала. Како дополнителна опција, Porsche ќе го опремува возилото со дополнителниот пакет Clubsport, кој добива рамка од цевки за кокпитот и појаси во шест точки на седиштата.

Продажбата на моделот ќе започне за неколку недели по нејзиниот прв јавен настап, планиран за изложбата во Женева, во почетокот на март.