Минхен 2023: Mercedes го покажа CLA концептот со 750 километри опсег

Mercedes го претстави електричниот концепт CLA во пресрет на Саемот за автомобили во Минхен.

Дизајниран да го најави претстојниот сериски модел, концептот е елегантно купе со четири врати со карактеристична остар изглед на предницата. Се одликува со целосно затворена и осветлена решетка, како и препознатливи фарови кои го покажуваат логото на ѕвездата на Mercedes. Кога станува збор за светлата, тенките осветлени ленти го опфаќаат речиси целото возило, а лентите имаат „стилски огледален изглед на хром кога не се осветлени“.

Концептот има необично ветробранско стакло што се влева во благо наведнатиот покрив. Дизајнерите, исто така, му дадоа на автомобилот рационализирана каросерија, минималистичка стаклена градина и подолго меѓуоскино растојание што ветува дека ќе обезбеди поприспособен заден патнички простор.

Рационализиран дизајн

Рационализираниот дизајн е дополнително подобрен со рачките на вратите поставени на рамна површина, додека тркалата од 21 инчи привлекуваат посебно внимание. Меѓу останатите карактеристики кои вреди да се истакнат се заоблениот заден крај и осветлениот стаклен покрив што прикажува анимирани ѕвезди.

Кабината опфаќа „технолошка минималистичка елеганција“ и доминираат пет дисплеи на контролната табла. Mercedes не навлезе во многу специфики, но трите централни дисплеи работат со целосно новиот оперативен систем MB.OS и очигледно се напојувани со чип од NVIDIA.

Mercedes рече дека оперативниот систем може да се прилагоди на личните преференци и нуди широко прилагодување. Исто така, има виртуелен асистент и приватна уметничка галерија, а тука се и кружните дисплеи кои се интегрирани во отворите за воздух. Германскиот производител истакна дека „физичките отвори за воздух се позиционирани дискретно зад екранот и дизајнирани се да го пренесат впечатокот на ребра за ладење – генијална конфигурација што се удвојува како извор на амбиентално осветлување“.

Покрај асортиманот на екрани, концептот има двобојни седишта од Nappa кожа, алуминиумски акценти и лебдечка централна конзола на која се наоѓа осветлен држач за чаши и безжичен полнач за паметни телефони со осветлена проѕирна површина.

Моќна архитектура

Автомобилот се вози на Mercedes Modular Architecture (MMA) и ќе се нуди со две различни батерии. Батеријата на почетно ниво е со состав литиум-железо фосфат, додека „варијантата на највисоко ниво има дизајн на анода со содржина на силициум оксид за одлична густина на енергија“.

Mercedes не навлезе во детали, но рече дека батеријата е „извонредно мала“ и е полесна бидејќи „неговите ќелиски модули се држат на место користејќи лепило наместо завртки“. Нема информации за капацитетот, но се очекува моделот да има потрошувачка на енергија од 12 kWh/100 км и опсег на движење поголем од 750 километри.

Концептот CLA има архитектура од 800 V и можност за брзо полнење од 250 kW DC. Ова ќе му овозможи на моделот да добие опсег 400 километри за само 15 минути. Производителот на автомобили, исто така, спомена и можност за двонасочно полнење специфична за пазарот, која ќе овозможи функции од Vehicle-to-Home (V2H) и од Vehicle-to-Grid (V2G).

За движењето е задолжен електричен мотор со 238 КС кој тежи помалку од 110 килограми и има „значително помал удел на тешки ретки елементи во однос на претходните генерации“. Компанијата додаде дека единицата за електричен погон има „исклучително висока енергетска ефикасност до 93 проценти од батерија до тркало при возење на долги растојанија поради прецизното минимизирање на загубите“.

Покрај ефикасна погонска група, концептот има полуавтономно возење на Ниво 2, кој е потпомогнат од LiDAR сензор, како и повеќе камери.

Повеќе детали за серискиот модел ќе бидат познати во наредните месеци, но извршниот директор на Мерцедес, Ола Калениус, истакна дека: „Concept Class-CLA е претходник за целосно нов целосно електричен сегмент на почетни возила на Mercedes-Benz. Палетата ќе се состои од вкупно четири нови модели – купе со четири врати, shooting brake и два неверојатни теренци – секој со значително зголемена содржина на производот“.