Детроит 2018: Honda покажа конкурент на хибридниот Prius
Honda конечно го обелодени својот компактен седан Insight со хибриден погон на салонот во Детроит
![Insight](https://avtoplus.mk/wp-content/uploads/2018/01/H-n-4-780x405.jpg)
Моделот ќе излезе на пазарот во САД уште ова лето. И покрај тоа што Honda Insight доби за оваа прилика додаток во името Protype, сепак тоа е 90% сериски примерок. Новата генерација на хибридот е изградена врз основа на моделот Civic, а и архитектурата на кабината целосно потсетува на донаторската машина. Само линијата на покривот е закосена поради аеродинамиката.
Honda Insight доби индивидуален распоред на предниот и задниот дел на каросеријата со сопствена оптимална оптика и пластични браници.
Во ентериерот централно место зазема 8-инчен екран чуствителен на допир за медиумскиот комплекс со Apple CarPay и Android Auto, како и Wi-Fi. Новиот Honda Insight ќе биде опремен со хибриден погон од третата генерација, кој вклучува 1.5-литарски бензински четирицилиндерски агрегат, електромотор и литиум-јонска батерија. Параметри за моќноста засега не се откриваат, но од Honda ветуваат ниска потрошувачка на гориво, помалку од 4,5 литри на 100 километри.