Започна производството на возилата за кабинетот на Путин
Централниот истражувачки институт на Русија (НАМИ) започна со производство на автомобилите од проектот „Кортеж“
![„Кортеж“](https://avtoplus.mk/wp-content/uploads/2017/11/NAMI-1600-1-780x405.jpg)
Информациите се објавени од страна на Rossiyskaja Gazeta, која го цитира министерот за индустрија и трговија, Денис Мантуров.
Според зборовите на Мантуров, принципите и технологиите кои се имплементираат во новите автомобили за проектот „Кортеж“, ќе ја одредат иднината на руската автомобилска индустрија и нејзиното позиционирање на светската сцена. Се очекува дека автомобилите ќе бидат достапни и за продажба, со одредена модификација и за сите на крајот на следната година.
„Кортеж“
Првично, плановите се за 150-200 возила, а циркулацијата потоа треба да се зголеми на 5.000 годишно. Но, сега ќе бидат изградени само 14 автомобили. Тие мора да бидат подготвени до крајот на годината, а нивното јавно деби ќе се одржи во 2018 година, за време на инаугурацијата на претседателот на државата.
Автомобилите од проектот ќе бидат достапни со широк спектар на мотори – од четири цилиндерски со турбополначи до огромен V12. Топ-агрегатот, со кој ќе биде опремена лимузината на Путин, ќе има капацитет од 850 коњски сили. Овој мотор, исто така, ќе биде достапен за SUV изданијата за членовите на кабинетот на Путин.