fbpx

Новата BMW Серија 4 сега и во Македонија

Само неколку месеци по официјалното деби, новата генерација на BMW Серија 4 пристигнува и пред македонските купувачи

Новата „четворка“ на BMW во купе варијанта сега е достапна и на македонскиот пазар, откако претходно го забележа официјалното деби во јуни. Редакцијата на Авто Плус успеа да ја „улови“ новата BMW Серија 4 преку својот фотоапарат и во прилог ви го пренесуваме она што успеавме да го забележиме во изложбениот салон на BMW во Македонија.

BMW Серија 4

Секако, прво нешто за што бевме најљубопитни и ни го привлече вниманието, а веруваме и сите други, особено фанови на баварската марка, е предната решетка од ладилникот, популарните „бубрези“. Познато е дека новата генерација на Серија 4 доби невообичаено голема предна решетка, што наиде на голем број реакции, во главно негативни кај автомобилската јавност. Но, луѓето тешко прифаќаат промени, а кога ќе го погледнете автомобилот во живо, ситуацијата воопшто не е драматична како што се чини. Дури, може да се каже дека ваквите џиновски „бубрези“ му прилегаат одлично на автомобилот.

Покрај предната маска на ладилникот треба да се напоменат и адаптивните LED светла и уникатните задни светла во форма на L.

Во внатрешноста пристигнува и најновата верзија на BMW iDrive 7.0 инфозабавниот систем со стандардниот 8,8-инчен екран на допир од инфозабавниот систем и 5,1-инчниот дигитален екран позициониран меѓу аналогниот инструмент кластер. BMW како опција нуди и 12,3-инчна инструмент табла која доаѓа во комбинација со 10,25-инчен централен екран од инфозабавниот систем.

BMW Серија 4

На почетокот во понудата ќе се најдат неколку различни варијанти, но моделот кој ние го забележавме во продажниот салон е BMW 430i, кој се напојува со 2,0-литарски четирицилиндричен турбо бензински мотор кој испорачува 258 КС и 400 Nm максимален вртежен момент. Од нула до „стотка“ овој модел стигнува за 5,8 секунди пред да достигне максимална брзина од 250 километри на час.

BMW Серија 4

За повеќе информации обратете се во продажниот салон на BMW во Македонија, или посетете го официјалниот веб сајт.

Поврзани вести

Back to top button