Новиот Ferrari SF90 Spider пристигна

Ferrari го претстави новиот SF90 Spider, бескровната варијанта на SF90 Stradale и е првиот plug-in хибриден „спајдер“ на компанијата

Новата Spider верзија на Ferrari SF90 го добива истиот електрифициран погон како и моделот со фиксиран покрив, а тоа значи комбинирана моќност од 1.000 КС и 900 Nm максимален вртежен момент. Овие неверојатни бројки се комбинација на битурбо V8 мотор кој испорачува 780 КС и три електромотори кои додаваат дополнителни 220 КС. Ова исто така му овозможува на SF90 Spider да има погон на сите четири тркала, додека менувачот е најновиот осумстепен автоматик со двојна спојка.

Од Ferrari велат дека SF90 Spider е подеднакво брзо како и Stradale кога станува збор за спринтот од нула до „стотка“, односно потребни му се само 2,5 секунди. Спринтот до 200 километри на час се достигнува за само 7 секунди, додека максималната брзина е поставена на 340 километри на час.

Смата трансформација на SF90 во кабриолет пристигнува со 100 килограми дополнителен товар поради неопходноста да се направи засилување на шасијата и додавање на кровниот механизам, па така новиот Spider достигнува максимална тежина од 1.670 килограми.

Ferrari SF90 Spider

Најновата еволуција на склопливиот тврд покрив на Ferrari зафаќа само 100 литри простор кога е собран и е 40 килограми полесен од конвенционалниот склоплив покрив благодарение на алуминиумот во неговата конструкција. Исто така пристигнува со прилагодлив електричен заден прозорец и потребни му се само 14 секунди за да ја изврши својата „операција“.

Ferrari SF90 Spider

Assetto Fiorano како опција

Ентериерот останува ист како и кај SF90 Stradale, а тоа значи истиот голем 16-инчен дигитален инструмент кластер со висока резолуција кој исто така е заоблен и на себе ги покажува сите информации и опции за персонализација. Тука е и head-up екранот и најновите контроли чувстителни на допир од Ferrari кои се поставени на управувачот и на централната конзола.

Ferrari исто така ќе го понуди и опционалниот Assetto Fiorano пакетот за SF90 Spider, кој вклучува и сет Multimatic амортизери кои се прилагодени за користење на тркачките патеки. Со овој пакет автомобилот пристигнува со 21 килограм помала тежина благодарение на зголеменото користење на карбон и титаниум и карбонски заден спојлер. Купувачите исто така ќе можат да го добијат својот Ferrari SF90 Spider Assetto Fiorano со двобоен финиш.

Поврзани вести

Back to top button