Новиот Kia Xceed претставен во Македонија

Вечерва во салонот на Kia Motors Македонија, официјално беше претставен целосно новиот Kia Xceed

Целосно новиот Kia Xceed вечерва ја доживеа својата промоција и во нашата држава. Четвртиот член на семејството Ceed беше претставен пред нашата јавност во салонот на Kia Motors Macedonia. Станува збор за компактен кросовер позициониран помеѓу моделите Stonic и Sportage, кој е конструиран на механичката платформа на Ceed.

Ова е модел од кого самиот производител очекува многу, бидејќи комбинира практичност на спортски теренец со спортски карактер и управливост на хечбек. Новиот кросовер, кој е спортска алтернатива на традиционалните спортски теренци, нуди споредливо ниво на пространост, наменет за патниците и багажот.

Модерна внатрешност

Kia Xceed доби уште една новост како прв Kia модел, а тоа е целосно новата дигитална 12,3-инчна инструмент табла Supervision, наменета за што е можно појасно прикажување на информациите. Со екран со висока резолуција (1920×720 пиксели) дигиталните инструменти го заменуваат традиционалниот мерач на брзина и бројчаник на минати километри кои се дел од постоечката понуда на Kia.

Ентериерот на Kia Xceed е конзистентен со останатите членови на Ceed семејството, со таа разлика што покрај дигиталната инструментација, тука е и големиот, опционен екран на допир со дијагонала од 10,25 инчи кој се наоѓа на врвот од централната конзола, а поддржува Android Auto и Apple CarPlay.

 

Современ и динамичен дизајн

Стилски, со изразен современ дизајн, новиот Kia Xceed е 85 милиметри подолг од хечбекот Ceed и 90 милиметри пократок од Sportage. Неговата максимална висина на покривот е 1.495 милиметри, што значи дека е за 48 милиметри повисок од Ceed i 155 милиметри понизок од Sportage, што на возачите им овозможува понизок центар на гравитација од повисокиот сродник и нешто повисока положба од обичниот Ceed.

Kia Xceed доаѓа со веќе познатите бензински и дизел мотори. Понудата стартува од три-цилиндарскиот 1.0 Т-GDi турбо бензинец од 120 коњски сили, преку 1,4-литарскиот T-GDi четири-цилиндарскиот мотор од 140 коњски сили, па до 1.6 T-GDi мотор од 204 КС.

Дизел понудите ги сочинуваат 1,6 литарските CRDi мотори од 115 и 136 коњски сили, додека за следната година се најавени и 48-волтни mild-hybrid, како и Plug-in хибрид модели. Инаку, со сите мотори, освен со најслабиот 1.0 Т-GDi се испорачува или 6-степен мануелен или 7-степен автоматски менувач со двојна спојка. Составот старт/стоп (ISG) е дел од стандардната опрема кај сите изведби и модели.

Почетната цена на новиот Kia Xceed изнесува 18.550 евра. За повеќе информации обратете се во салонот на Kia Motors Macedonia или посетете ја нивната веб страна www.kiamotors.com.mk

 

Клучни зборови

Поврзани вести

Back to top button
Close