Opel со новите Astra, Corsa и хибридниот Grandland X во Франкфурт
Opel најави дека ќе ја лансира најефикасната Astra досега на Саемот за автомобили во Франкфурт, заедно со новата Corsa и хибридниот Grandland X
Што се однесува до Astra, сè уште не се објавени спецификации, но истата ќе биде прикажана заедно со другите варијанти на популарниот компактен хечбек, што ќе ги истакне новите визуелни ажурирања и новите PSA-мотори.
Посебно место ќе биде резервирано за новата генерација на Corsa, која е во блиско сродство со најновиот Peugeot 208. Како и француската супермини, Corsa е многу подобрена во однос на својот претходник и, за прв пат досега, ќе биде достапна со електричен погон како Corsa-e.
Електричниот модел ќе биде претставен и во Франкфурт, со електричен мотор од 125 коњски сили и батерија од 50 kWh, што овозможува забрзување од 0 до 100 km/h за 8,1 секунда и електричен возен опсег од 330 километри според на WLTP.
Првиот хибрид на компанијата, Grandland X Hybrid4 ќе биде прикажан исто така во Франкфурт. Тој доаѓа со 1,6 литарски бензински мотор со два електрични мотори и литиум-јонска батерија од 13,2 kWh, кои обезбедуваат комбиниран излез од 300 коњски сили, забрзување од 0 до 100 km/h за 6,1 секунди и електричен опсег од 51 километар.
