Производството на електромобили е поевтино од стандардните
Стратегијата за развој на јапонскиот производител Nissan е во инвестиции во електрични возила, додека дизелот постепено ќе влезе во историјата
Ова беше објавено во интервју за Auto.Mail од директорот на Nissan Electric Vehicle во Европа, Гарет Дансмор.
Главниот менаџер потенцира дека во 2022 година неговата компанија ќе понуди целосно електричен кросовер на пазарот. Во исто време, Nissan работи да има електрична верзија за сите модели во својот асортиман.
– Дури и пред избувнувањето на дизел скандалот во 2015 година, ја презедовме нашата стратешка одлука да инвестираме во електричен транспорт. Ние не гледаме перспектива кај дизел моторите на долг рок.
И тоа не е само дел од легислативата, туку чисто од економски фактор – електричните автомобили се поевтини и поедноставни за производство од моторите со внатрешно согорување, смета Дансмор.
Сепак, тој наведува дека дизел моторите во следните неколку години ќе останат во гамата на Nissan, но генерално компанијата е движечка сила во поинаква насока. Според Дансмор, електричниот погон е погоден за кросовери, кој се во моментов најважен сегмент на планетава.
– Многумина се сомневаат дека електричните мрежи во светот нема да можат да издржат оптоварување на автомобили со електрична енергија, но тоа не е точно. Ние, како јапонска компанија, добро се запознаваме што значи недостаток на електрична енергија.
Сите се сеќаваме на ужасната несреќа во Фукушима во 2011 година. Тогаш електричните автомобили се претставија како најдобри, бидејки имаат систем за враќање на акумулираната електрична енергија во мрежата. Така некои ги наполуваа своите домови со електрична струја од своите автомобили, вели Дансмор.
Според него, враќањето на електричната енергија во мрежата ќе го реши проблемот со врвната оптовареност. На пример, автомобилите ќе бидат полнети ноќе и ќе им дадат електрична енергија на мрежата во текот на денот, ако не им е потребна.
– Дури и ако сите одиме на електрични автомобили, нето оптоварувањето нема да се зголеми за повеќе од 30%. Тековните електрични автомобили користат енергија како електричен шпорет или микробранова печка. Затоа мислам дека побарувачката за електрични возила ќе продолжи да расте со развојот на мрежата и технологијата за обновлива енергија, објасни Дансмор.
