Рекордна година за Jaguar Land Rover
Jaguar Land Rover објави дека и покрај сложеноста во настапот на некои од главните светски пазари, во 2017, компанијата ја евидентира најдобрата година во својата историја
![Land Rover](https://avtoplus.mk/wp-content/uploads/2018/01/J-n-1-780x405.jpg)
Вкупната реализација на фирмата достигна ниво од 621.109 автомобили, што претставува подобрување од 7% во однос на календарската 2016 и е повеќе од три пати поголема во споредба со 2009 година. Со продажбата на 442.508 возила, Land Rover ја заврши 2017 година со раст од 2%, а најдобро продаваниот модел на брендот беше Discovery Sport со 126.078 плсирани единици. Брендот, исто така, ја истакнува силната реализација на Range Rover Evoque и Range Rover Sport со повеќе од 190.000 единици во 2017 година. Кај Jaguar порастот за изминатата година е цели 20%, до ниво од 178.601 единици, а главните „виновници“ за успехот се F- PACE, XE и XF, како и целосно новиот XF Sportbrake.
Од Jaguar Land Rover коментираат дека најмногу производи на компанијата во изминатата година биле реализирани во Кина 14. 399, или + 23%, а во Северна Америка продажбата се подобри за 9%, до 128.097 единици.Jaguar Land Rover ја заврши 2017 година со 160 меѓународни награди, вклучувајќи ја и онаа за Светски автомобил на годината доделена на F- Pace.