РКЕ со ново поскапување за горивата
Регулаторната комисија за енергетика ја донесе најновата одлука за малопродажните цени на горивата во нашата земја
Со својата најнова одлука, Регулаторната комисија за енергетика, во согласност со својата методологија за утврдување на цените, ги поскапува цените во просек за 1,98 проценти во однос на минатата недела.
Од РКЕ истакнуваат дека во изминатиот седумдневен период сите референтни цени на светските берзи во просек бележат зголемување кај бензинот за 3,938 проценти, а кај дизелот за 4,845 проценти. Во согласност со сето ова, од ноќеска на полноќ цените на бензините Еуросупер БС-95 и Еуросупер БС-98 се зголемуваат за денар и половина, додека Еуродизелот поскапува за 2 денари.
Тоа значи дека малопродажната цена на Еуросупер БС-95 од ноќеска на полноќ ќе чини 73,50 денари, Еуросупер БС-98 ќе се продава по цена од 75,50 денари, додека Еуродизел ќе се точи за 65 денари по литар гориво.
