fbpx

Seat ја претстави освежената Ateca

Првиот SUV на шпанската компанија Seat, моделот Ateca, на средината од својот животен век доби свое освежување и рестилизација

Најуспешниот SUV на Seat пристигнува со унапредување за 2021 моделската година во Европа, со суптилно стилско освежување во внатрешноста и надворешноста, унапредена понуда на моторизаијца, како и нова безбедносна и конекциска технологија. Со повеќе од 300.000 продадени единици продадени од лансирањето во 2016 година, Ateca е доказ за благосостојбата на Seat, поради што шпанскиот бренд не ја наруши успешната формула и истата ја примени и овој пат. Еволуцијата ја има клучната улога тука и тоа е најочигледното кога станува збор за рестилизирањето.

Новите LED предни светла инспирирани од најновата генерација на Seat Leon се најочигледната новина, заедно со уште неколку промени на предницата, вклучително и нова решетка од ладилникот и нов браник. На задната страна, full LED задните светлосни групации со динамични индикатори (за FR и Xperience нивоата) како и браникот со нови прекривки за издувните цевки исто така се новина кај Seat Ateca 2021.

Seat Ateca

Новиот дизајн на браниците ја прават освежената Ateca 18 милиметри подолга (4.381 мм), додека ширината и висината остануваат непроменети. Некои од посуптилните промени го вклучуваат и натписот „Ateca“ на задниот дел. Тука се и новите тркала кои се нудат во димензии од 17 до 19 инчи, како и унапредената палета на бои за надворешноста. Освежената Seat Ateca со себе го носи и новото Xperience ниво на опременост. Со својот груб изглед тој го заменува Xcellence и вклучува црни браници со алуминиумски финиш на долниот дел, лаковите над тркалата со боја на каросеријата и странични лајсни со алуминиумска завршница.

Seat Ateca

Во внатрешноста, рестилизираната Seat Ateca пристигнува со нов 10,25-инчен дигитален кокпит. Тука е и унапредениот инфозабавен систем кој вклучува нов HMI „интерфејс“ со репозициониран 8,25 или 9,2-инчни екрани чувствителни на допир. Кожниот управувач е новина, исто како и панелите на вратите обложени со нов материјал. Компактниот SUV сега исто така добива и нов избор на тапацир, мат црниот финиш околу отворите за воздух и инфозабавниот систем, како и „мулти-колор“ амбиенталното осветлување. Седиштето за возачот сега вклучува и осумнасочно електронско подесување и мемори функција.

Seat Ateca

Кога станува збор за конективноста, освежената Seat Ateca добива нов систем за гласовно препознавање. Бежичните Apple CarPlay и Android Auto преку Full Link системот се во стандардната опрема. Seat овозможува и онлајн навигација преку Apple Maps и онлајн конективност преку еSIM. Како додаток, новата Seat Connect апликација нуди далечински управувач за голем опсег на функции. Тоа вклучува паркинг позиција, заклучување и отклучување на вратите, далечински пристап до податоците за возење и преостанатиот опсег. Како стандардни во опсегот сега се нудат четири осветлени USB конектори C-тип и бежично полнење на телефон.

Освежената понуда на погонски системи вклучува три TSI турбо бензински мотори и два TDI турбо дизели. На почетокот од понудата е 1,0-литарскиот TSI трицилиндричниот мотор со 110 КС со Милеров циклус на процес на согорување, кој пристигнува со мануелен менувач. Следен е 1,5-литарскиот четирицилиндричен TSI мотор кој испорачува 150 КС со Active Cylinder Management. Оваа верзија е достапна со шестстепен мануелец или седумстепен DSG менувач со двојна спојка. На врвот на понудата се наоѓа 2,0-литарскиот TSI. Овој мотор испорачува 190 КС и пристигнува ексклузивно со DSG трансмисија и 4Drive погон на сите четири тркала.

Кога станува збор за дизелските мотори, претходно достапниот 1,6-литарски TDI веќе го нема. Сега купувачите ќе можат да бираат меѓу двете верзии на 2,0-литарскиот TDI, едниот со 115 КС и шестстепен мануелен менувач, или 150 КС кој се нуди со мануелец и DSG. Во комбинација со автоматскиот менувач со двојна спојка, помоќниот дизел мотор исто така може да се добие со 4Drive систем. Интересно, Seat нема да ја понуди Ateca со благ 48-волтен хибриден систем.

Кога станува збор за безбедноста, освежената Seat Ateca добива нови унапредени системи за асистенција на возачот. Тоа вклучува Predictive Adaptive Cruise Control, странична и асистенција за излез, предна асистенција со кочење за избегнување преден судир. Дизајнирана и развиена во Барселона, освежената Ateca ќе се изработува во фабриката на Škoda во Квасини, Чешка Република. Од Seat не открија кога рестилизираниот SUV ќе се најде во продажните салони.

Поврзани вести

Back to top button