fbpx

Трендот на поскапување на горивата продолжува

Регулаторната комисија за енергетика ја донесе својата најнова одлука за малопродажните цени на горивата во нашата земја

Според најновата одлука на РКЕ, цените на горивата во нашата земја ќе се зголемат од вечерва на полноќ за 1,15 проценти во однос на оние од минатата недела. Во согласност со методологијата за утврдување на цените, горивата во нашата земја ќе поскапат од половина до еден денар.

Од вечерва на полноќ одново ќе имаме зголемување на цените на горивата, а според одлуката на РКЕ, бензините Еуросупер БС-95 и Еуросупер БС-98 ќе поскапат за половина денар, додека Еуродизелот поскапува за еден денар.

Ова значи дека од утре, па се до следната недела, Еуросупер БС-95 на бензинските станици ќе се точи по цена од 68,50 денари по литар, Еуросупер БС-98 ќе чини 70,50 денари, а за истата количина Еуродизел ќе плаќаме по 61,50 денари.

Од РКЕ истакнуваат дека во изминатиот седумдневен период сите референтни цени на светските берзи во просек бележат зголемување и тоа кај бензинот за 1,377 %, а кај дизелот за 2,116 %.

Поврзани вести

Back to top button