Викенд тарифа: Битка на титаните – Bugatti Chiron и Koenigsegg Jesko

Bugatti Chiron Super Sport и Koenigsegg Jesko Attack се два од најексклузивните хиперавтомобили некогаш создадени, но кој од нив два е побрз на права линија? CarWow беше во можност да одговори на тоа прашање, соочувајќи ги Chiron и Jesko за серија брзи драг трки.

Chiron Super Sport користи 8.0-литарски W16 мотор со четири турбо полначи кој испорачува 1.578 КС и 1.600 Nm вртежен момент, кои се испорачуваат до сите четири тркала преку седум-степен менувач со двојна спојка. За стандардите на хиперавтомобил, Chiron Super Sport е доста тежок со тежина од 1.995 килограми

Jesko Attack од друга страна е многу поразличен. Има 5,0-литарски твин-турбо V8 со повисоки вртежи со 1.280 КС и вртежен момент од 1.000 Nm. Поважно е тоа што е само со погон на задните тркала и користи внатрешен Lightspeed менувач на Koenigsegg со девет степени на пренос. Иако му недостасува моќта на Chiron, тежи само 1.420.

Како изгледаше битката на титаните, можете да погледнете во видеото во прилог.