Volkswagen Golf 8 пристигнува во 2019 година
Иако многумина сметаа дека следаната, осма генерација, на бестселерот на Volkswagen ќе ја видиме догодина, сепак тоа ќе се случи кон крајот на 2019
Во Volkswagen не кријат дека се е фрлено на карта на новата стратегија на компанијата, па работите одат малку побавно од најавеното.
Според извори блиски на Волфсбург, гигантот останува доследен и при креацијата на новото поколение на бестселерот. Имено дизајнот се очекува да биде еволуција на сегашното остварување со одредени модификации, а најголемата новина ќе биде, како и кај Arteon, што името на моделот ќе се најде на средишниот дел од задната врата.
Одредени зафати се очекуваат кај светлосните состави, како напред, така и позади. Меѓутоа што се однесува до ентериерот, ќе биде се сосема поинаку. Класичните инструменти ќе бидат заменети со голем дигитален екран, а со ситемите ќе се управува преку допир или со гестови.
Volkswagen Golf 8
Што се однесува до агрегатската понуда, влезна верзија е трицилиндерскиот бензинец со 95 и 116 КС, додека 1.4 литарскиот мотор ќе му го пропушти местото на новиот со 1.5 со 130 и 150 КС. Кај дизелите во понуда ќе биде само 2.0TDI со 122 и 224 КС. Golf GTI пристигнува со 245 KС во класична верзија, додека набилданата ќе расолага со 300 КС. Golf R може да смета на 400 КС и 450 Nm од 3.0 битурбо VR6 мотор.
