Закажана премиерата на новиот Kia Soul
Во пресрет на престојното авто шоу во Лос Анџелес, Kia ја објави првата слика од новата генерација на кросоверот Soul
На оваа слика е прикажан задниот дел од автомобилот кој го има карактеристичниот коцкаст изглед, вертикалните фарови, како и речиси вертикалната задна хауба. Исто така може да се забележи и црниот пластичен трим со натпис „Soul“, кој ја поврзува задната врата со задните фарови.
Корејскиот производител на автомобили вели дека новата генерација на овој кросовер ќе донесе одлична разновидност за сечиј вкус, така што ќе биде проследена со храбар дизајн, голема компактност, но и ќе претставува бескомпромисна алатка за забава и уживање при возењето.
Новиот Soul ќе може да го погледнеме на неговата премиерата на саемот во Лос Анџелес, кој ќе се одржи на крајот на овој месец.
