СЕЅ 2018: Фискер конечно го покажа својот луксузен модел

За електричниот автомобил, речиси сè беше познато уште од средината на минатата година, но само сега е се целосно обелоденето. Fisker EMotion е голем (5.085 mm) спортски седан со врати што се креваат нагоре, 24- инчни тркала во стандардна опрема, самозатемнувачки стакла, погон на четири тркала и автоматски пилот.

Изграден е на јаглеродна и алуминиумска шасија, што ја прави 20% полесна од своите конкуренти. Моделот на Фискер го надминува во многу нешта Tesla Model S, а и Mercedes-Benz S-Class, кога станува збор за богатата опрема. Седанот, кој може да биде со 4 или 5 седишта, има голем број дигитални дисплеи, вклучувајќи 27-инчен екран за задните седишта.

Погонскиот систем на Fisker EMotion вклучува неколку електрични мотори кои развиваат 780 КС. Забрзувањето од 0 до 96 km/h трае 3 секунди, а максималната брзина е 257 km/h. А, извор на енергија е батерија од 145 kW / h LG која обезбедува 650 километри автономија. Со специјалниот полнач UltraCharger за 9 минути, батеријата може да се надополни за уште 200 километри. Електричниот автомобил, исто така, има ултрамодерен автоматски систем.

Се одликува со 5 специјални S3 LiDAR уреди развиени од компанијата Quanergy Systems во Силиконската долина. Производството на Fisker EMotion ќе започне во 2019 година и ќе биде доверено на надворешна компанија. Нарачки за автомобилот веќе се прифаќаат, со депозит од 2.000 американски долари. Цените почнуваат од 129.900 долари.