Alpine подготвен за иднината, претставен ЕВ прототипот A110 E-ternité

Alpine станува електричен бренд, а компанијата го покажа она што може да се очекува од нив со претставувањето на електричниот прототип A110 E-ternité. Предвиден да дебитира на француското Гран При во Formula 1 овој викенд, прототипот ја слави 60-годишнината од A110 и дава знак на иднината.

Дизајниран да одговара на „перформансите, рамнотежата и агилноста“ на моделот со мотор на внатрешно согорување, прототипот е опремен со батериски пакет од 60 kWh што користи модули добиени од Mégane E-Tech. Сепак, ова не беше директна размена бидејќи инженерите мораа да создадат специфични куќишта за батерии за A110 и да ја оптимизираат распределбата на тежината.

Што се однесува до второто, прототипот има четири батериски модули поставени на предниот дел на купето и уште осум лоцирани назад. Ова му дава на автомобилот распределба на тежината од 42/58, што е речиси идентична со стандардниот модел 43/57.

Додека пакетот батерии тежи 392 кг, вкупната тежина на автомобилот се искачи само за 258 кг во споредба со конвенционалната варијантата. Тоа е релативно скромна добивка и батерискиот пакет му овозможува на прототипот да има опсег од 420 километри според WLTP.

Слични бројки како конвенционалната верзија

Кога станува збор за перформансите, A110 E-ternité е опремен со електричен мотор поставен одзади кој развива 242 КС и 300 Nm вртежен момент. Двете бројки ги соодветствуваат оние на моделите со мотор на внатрешно согорување, така што е малку изненадување што електричниот прототип е малку побавен бидејќи спринтот од нула до „стотка“ се достигнува за 4,5 секунди. Моделот има и нешто помала максимална брзина од 250 км/ч.

Промени се направени и на други места бидејќи прототипот има уникатен менувач и ревидирана суспензија. Системот на потпирање има уникатни пружини, модифициран заден anti roll bar, задни засилувања и амортизери Ohlins.

Додека Alpine лесно можеше да застане тука со сите промени, дизајнерите сакаа да ги решат и барањата за кабриолет варијанта. Како резултат на тоа, прототипот е опремен со отстранлив покривен панел кој овозможува искуство на отворено без да влијае на цврстината.

Понатаму, уште еден прототип на A110 E-ternité беше создаден и опремен со еколошки компоненти од лен, кои се силни како јаглеродни влакна. Материјалот се користи на „хаубата, покривот, задното стакло, решетката, школките на седиштата и задното здолниште“.

Модерна кабина

Влегувајќи во кабината, A110 E-ternité е опремен со „иновативен мултимедијален систем“ кој користи персонален таблет на возачот како дисплеј за инфозабава. Ова е малку чудно, но Alpine рече дека резултира со „секогаш ажуриран оперативен систем во комбинација со најновите технологии на екранот“. Моделот, исто така, е опремен со најсовремен аудио систем, кој има два нови задни звучници за да ја зголеми вкупната бројка на осум.

Додека A110 E-ternité е прототип, компанијата го нарече моделот како „лабораторија во движење“ и истакна дека извршниот директор на Групацијата Renault, Лука де Мео, претходно изјавил „Сакам да го електризираме Alpine за да го зачуваме неговото име засекогаш“.