Audi го покажа A6 e-hybrid, PHEV верзијата на новиот модел
Откако претходно ги претстави новите A6 Sedan и A6 Avant, Audi сега ги покажа и plug-in хибридни верзии кои ја носат ознаката e-hybrid
Plug-in хибридите одамна не се само начин за даночни олеснувања – денешните модели се сериозни алтернативи на целосно електричните возила. Тоа го потврдува и новата Audi A6 e-hybrid, достапна во седан и Avant изведба, со значително подобрен електричен домет и низа технолошки унапредувања.
Батерија со 45% поголем капацитет и домет до 111 км
Во споредба со претходната генерација, новиот A6 e-hybrid добива 45% зголемен капацитет на батеријата, која сега има 20,7 kWh (нето). Тоа обезбедува електричен WLTP домет од до 111 километри за седан верзијата и до 106 километри за Avant комби изведбата.
Иако некои конкуренти како VW Tiguan или Range Rover PHEV нудат малку подолг електричен домет, Audi покажува колку plug-in хибридната технологија напредувала. За споредба, GM EV1 пред три децении имаше сличен домет, а старите Nissan Leaf модели денес тешко достигнуваат 80 километри на едно полнење поради деградација на батеријата.
Две верзии со различна моќност и перформанси
Новата Audi A6 PHEV доаѓа во две варијанти, обете со 2.0-литарски турбо бензински мотор со 252 КС. Помоќната електрична поддршка во втората варијанта резултира со вкупна моќност од 367 КС и забрзување до 100 км/ч за 5,3 секунди. Основната верзија со 299 КС ја постигнува истата брзина за 6,0 секунди.
Во целосно електричен режим, максималната брзина е 140 км/ч, но со активен мотор на внатрешно согорување, таа се зголемува на 250 км/ч, електронски ограничена. Како и кај другите премиум PHEV модели, и тука можете да ја прилагодите регенерацијата на сопирање преку лопатки на воланот.
Брзо полнење и повеќе технологија
Новитет е и 11 kW вграден AC полнач, подобрување од претходните 7.4 kW, со што батеријата се полни за 2,5 часа. Можно е и полнење преку моторот, но само над 65 km/h и само до 75% капацитет.
Двата A6 e-hybrid модели доаѓаат со погон на сите тркала (quattro) и управување на задната оска, како стандард. Во Велика Британија, седанот со 299 КС започнува од £61,755, додека Avant чини £63,705. За оние што ќе одберат 362 КС верзија, добиваат и S line опрема, спортски амортизери, поголеми тркала и црвени сопирачки.
