Блесок на SUV гамата на Opel во Сити Хол

Новите остварувања на гигантот од Риселсхајм беа преставени на несекојдневен начин, наместо модератори моделите беа презентирани од автомобилските новинари: Љупчо Михајловски, Владимир Ристовиќ, Агрон Сулејман, Блашко Велјановски, Горан Антевски и Крумислав Барзов, заедно со Драган Ненадовиќ, регионалниот директор на Opel. На почетокот од промоцијата Драган Ненадовиќ изрази големо задоволство поради премиерната промоција на SUV гамата на Opel во Македонија, како и фактот за големиот интерес што го предизвика овој настан. – Особено сум среќен што Opel сега може да понуди дури три возила од SUV сегментот. Mokka X е одличен наследник на веќе прославената Mokka, а Crossland X и Grandland X се прв заеднички модел развиен во рамките на новата групација – PSA. Со овие модели влегуваме сериозно во најбрзо растечкиот сегмент во светот и очекуваме дека набрзо ќе станат наши најдобро продавани возила. Тие не само што ќе го обезбедат заслуженото место на Opel кај љубителите на овој сегмет, туку и ќе ја заокружат нашата атрактивна понуда. Се радувам дека по саемот во Белград новите модели премиерно ги претставуваме и во Скопје, потенцира Ненадовиќ.
Mokka X се одликува со атрактивен дизајн и погон на сите четири тркала. Моделот е вистински успех за Opel, со повеќе од 750.000 продадени возила. Возачите на Mokka X уживаат во главната предност која се рефлектира во повисоките седишта, давајќи акцент на подобрената видливост. Овој компактен авантурист привлекува со внимание со спортскиот дизајн, а покрај тоа и двапати е добитник на наградата „Автомобил на годината со погон 4Х4“. Самоуверените, мускулести линии го привлекуваат вниманието, додека повисоката поставеност од тлото и големите тркала од лесна легура се доказ дека станува збор за вистински теренец. На крај она што е приказна поврзана за Mokka X моделот е комбинацијата на динамичност, сила и храброст.

Opel Crossland X е разбирлив, остар, свеж и неверојатно практичен. Првиот играч во SUV селекцијата им одговара на сите кои се сестрани и подготвени за предизвици. Совршен пандан на урбан начин на живот благодарение на рафинираниот дизајн и компактните димензии. Софистициран и динамичен, новиот Crossland X се издвојува со практичноста и спортската елеганција и поседува единствена специфичност – фантастичен ентериер, насочен кон оние што сакаат унапредена функционалност и практичност за своето семејство. Опцијата за покрив во две бои, голем багажник како и доволно внатрешен простор се главните атрибути на Crossland X моделот. Идеален е за кратки шопинг патувања, но и за заминување на подалечни дестинации. Само една година од отворањето на книгата за нарачки веќе стана бестселер: 100.000 купувачи во Европа го одбраа Opel Crossland X.

Opel Grandland X ги претставува сите карактеристики што ги поседува еден SUV автомобил. Голема пространост и разновидност, комбинирана со стилско-динамичен ентериер го прават Grandland X премиум возило со врвни квалитети. Овој несекојдневен СУВ го привлекува вниманието со своите остри линии, мускулестата силуета и спортскиот изглед. Многуте иновативни технологии го првата возењето полесно, попрактично и побезбедно од било кога досега. Сите овие особини го прикажуваат Grandland X како вистински предизвикувач во својата класа.

На крајот од вечерта директорот Ненадовиќ го извлече и среќниот добитник на наградната игра кој освои викенд за двајца во Берово на кој ќе отпатува со Grandland X и ќе се увери во сите негови погодности.