BMW го претстави новиот X3

Наскоро на пазарот ќе пристигне сосема новиот компактен SUV на BMW кој беше најавен со концептот Vision Neue Klasse X. Новиот модел пристигнува следната година и е поставен на новата револуционерна платформа, и чиј модерен, самоуверен внатрешен и надворешен дизајн го поставува тонот за цела генерација на BMW. Во меѓувреме, баварската марка подготви сериозно ажурирање и редизајн и за „стандардниот“ X3 кој доаѓа со хибриден и погон со внатрешн согорување.

Со оглед на тоа дека не сите се подготвени да се префрлат на електричен погон, празнината која останува со исфрлањето на iX3 ќе се пополни со новиот модел базиран на Neue Klasse кој ќе се продава заедно токму со овој темелно освежен и променет.

Со истите 2.865 милиметри растојание помеѓу тркалата како и досегашниот модел, X3 за 2025 ја прикрива својата ДНК со стил позајмен од помалиот X1 претставен во 2022 година. Мали промени во должината, ширината и висината му даваат на новиот модел поголем став, додека сè уште остануваат класичните пропорции на предниот мотор и на задниот погон.

M50 добива блага хибридна моќност

Новиот X3 првично ќе се нуди со четири погонски опции, а понудата ја отвора бензинската опција со турбо четирицилиндричен и 48-волтен благ хибриден систем. Интересно, BMW ќе нуди и дизел погон за X3 со xDrive 20d верзијата со 2,0-литарски турбодизел, исто така потпомогнат со благ хибриден систем.

Над нив во понудата се наоѓа темелно подобрениот и освежен plug-in хибриден xDrive 30e, кој комбинира турбо 2,0-литарски четирицилиндричен бензински мотор со пакет батерии од 22,3 kWh и електромотор.  На врвот на понудата се наоѓа M50 xDrive. Станува збор за верзија со битурбо 3,0-литарски шестцилиндричен мотор благодарение на кој на располагање се 399 КС и 580 Nm вртежен момент, што придонесува од место до „стотка“ да се забрза за 4,6 секунди. M50, исто така добива стандардни адаптивни амортизери, M Sport сопирачки, 20-инчни M тркала, M Sport задни диференцијали и четири издувни цевки.

Поширок, поцврст, понизок

BMW барем вели дека новиот X3 подобро влегува во свиоците, дури и ако не е побрз меѓу нив. Пониската висина на возење кај двата модели наспроти досегашниот X3, пошироката задна трага, поцврстата структура на каросеријата и различните геометриски измени тврдат дека ја зголемуваат прецизноста и стабилноста на управувањето.

Тоа звучи добро, но најголемо внимание ќе добие ажурираниот внатрешен дизајн, кој конечно го носи сега веќе познатиот заоблен дисплеј на контролната табла на BMW и комбинираниот инфозабавен екран и инструмент кластер на X3. Технологијата OS9 на производителот овозможува ажурирања преку воздух и им овозможува на сопствениците пристап до апликации за стриминг на музика и видео, вести, навигација со зголемена реалност и игри во автомобил, што го претвора вашиот паметен телефон во контролер.