BMW M3 и M4 Competition ги добија своите xDrive верзии

BMW официјално ги претстави M3 и M4 Competition xDrive варијантите. Двата модели се напојуваат со препознатливите битурбо 3,0-литарски шестцилиндрични мотори кои испорачуваат 510 КС и 650 Nm максимален вртежен момент, опремени со осумстепен автоматски менувач и M систем за погон на сите четири тркала.

Познато беше дека xDrive верзиите ќе пристигнат во поставата, уште откако BMW ги претстави M3 и M4 моделите со погон на задните тркала во септември минатата година. Сега, M3 и M4 xDrive пристигнуваат, а погонот на сите четири тркала пристигнува само кај Competition верзиите со автоматски менувач. Овие модели се побрзи од Competition моделите со погон на задните тркала. Поради тоа, спринтот до „стотка“ се достигнува за 3,5 секунди, односно 0,4 секунди побрзо од „обичните“ модели. Максималната брзина е електронски ограничена на 250 километри на час, но опционалниот M Performance пакет го подигнува овој лимит на 290 км/ч.

Покрај забрзувањето, M3 и M4 Competition моделите со погон на сите четири тркала го имаат комплетниот максимален вртежен момент достапен „во поголема мера и при динамично возење“. Задниот пристрасен xDrive погон автоматски го канализира вртежниот момент помеѓу двете оски преку електронски контролирана повеќеслојна спојка. Исто така, има и Active M диференцијал за дистрибуција на вртежниот момент на задните тркала.

Пристигнуваат ова лето

При нормално возење со активирана поставка за погон на сите четири тркала, вртежниот момент се дистрибуира на задната оска и се испраќа на предните тркала само кога има потреба од дополнително влечење. Префрлувањето на 4WD Sport ќе испраќа повеќе вртежен момент на задната оска, додека 2WD овозможува чисто искуство со погон на задните тркала под услов да е исклучена контролата за динамична стабилност.

Покрај сето ова, BMW направи и неколку механички подесувања на системот за потпирање, оските и управливоста. Тука е и унапредениот системот за снабдување на моторот со масло и M системот за контрола на триењето кој работи со Dynamic Stability Control системот. Моделите исто така се поставени на 19 и 20-инчни тркала со Jet Black финиш.

BMW M3 и M4 Competition xDrive ќе бидат лансирани во Германија овој јули.