Bosch ги претстави новите полупроводници од силиконски карбиди

Новите микрочипови на Bosch, изработени од силикон карбид, нудат голем број на предности во однос на брзината на префрлување, загубата на топлина и големината, што ги прави потенцијален наследник на силиконските чипови кои се користат до денес. Карбидот е бинарно соединение на јаглерод со елемент со пониска или споредлива електронегативност.

Дополнителни атоми на јаглерод се внесуваат во кристалната структура на силиконот кој се користи во полупроводниците на SiC. Како резултат на хемиската врска, се подобруваат перформансите на полупроводничките чипови и ги прави поефикасни. „Полупроводниците од силиконски карбид носат поголема моќност на електричните мотори. За возачите, ова значи зголемување на опсегот на движење за 6%.”, вели Харалд Кругер, управен директор на Bosch.

Според Bosch, со употреба на SiC полупроводници, се губи 50% помалку енергија во форма на топлина во погонската електроника. Бидејќи може да се користат при многу повисоки работни температури, тоа исто така ја намалува потребата за ладење на погонските компоненти. „Полупроводниците од силиконски карбид ќе ја трансформираат е-мобилноста”, вели Кругер. Едно можно сценарио за иднината би можело на пример, да биде намалување на големината на батеријата додека опсегот на движење е задржан, што ќе заштеди и простор и тежина.