FCA ќе обновува стари модели од Fiat, Alfa Romeo, Lancia и Abarth
Fiat Chrysler Automobiles ја започна својата нова програма за обновување на ретро автомобили
Таа го носи името Reloaded by Creators и цели да ги врати во живот некои од најзначајните модели на Fiat, Alfa Romeo, Lancia и Abarth од минатото. Специјалисти ќе најдат добри автомобили и ќе ги купат за реставрација. Потоа, тие ќе бидат продавани, со парите ќе се инвестира во наоѓање на нови примероци. FCA вели дека дел од автомобилите ќе бидат продадени на приватни колекционери, а друг дел ќе биде резервирана за колекцијата на самиот производител.
Lancia Appia
Првите пет автомобили, обновени по програмата и понудени на клиентите, се Alfa Spider IV (1991), Lancia Fulvia Coupé Montecarlo (1973), Spidereuropa Pininfarina (1981), Alfa Romeo SZ (1989) и Lancia Appia Coupé (1959). Во моментов сите се изложени на ретро салонот во Париз, каде што можат да бидат добиени детали за нивно купување.
