Ford го започна производството на Puma во Романија
Компанијата Ford Motor започна со производство на кросовер моделот Puma во својата фабрика за склопување во Крајова
За да го поддржи производството на новата Puma, Ford минатата година започна голем процес на вработување на околу 1.700 луѓе и потроши околу 200 милиони евра (220 милиони долари) на фабриката, се вели во соопштението за Ford Romania. Вкупната инвестиција на производителот на автомобили во Крајова сега е околу 1,5 милијарди евра, од преземањето на поранешната фабрика Daewoo во 2008 година.
„За нас е големо достигнување да се произведе овде, во Крајова, не само технолошки најнапредно возило досега произведено во Романија, туку и прво со интегрирана хибридна технологија”, рече претседателот на Ford Romania, Иан Пирсон.
Puma е компактен кросовер, инспириран од SUV, со mild hybrid погон од 48 волти. Puma – заживувањето на името, последен пат употребено на купе верзија на Fiesta, беше откриено минатиот јуни и се приклучува на широк спектар на европски SUV-ови и кросовери, вклучувајќи ги Fiesta и Focus Active, EcoSport, Kuga, Edge и Explorer PHEV.
Новото возило е дополнување на малиот SUV EcoSport кој моментно се склопува во Крајова, заедно со еден литарскиот мотор EcoBoost на Ford. Компанијата го започна производството на EcoSport SUV-от во Крајова по потрошените 200 милиони евра во октомври 2017 година, откако претходно го увезуваше моделот во Европа од Индија. Фабриката порано го произведуваше B-Max.
Предвидените количини за производство за моделите EcoSport и Puma ќе резултираат во работа во три смени во фабриката за склопување, велат од Ford. Автомобилскиот производител влезе во Романија во март 2008 година, кога се здоби со удел од 72,4% од Automobile Craiova, единствениот сопственик на производителот и дистрибутер на автомобили Daewoo Automobile Romania.
Ford во моментов има околу 6.000 вработени во Романија.
