Франкфурт 2019: Great Wall ја напаѓа Европа со својот луксузен бренд

Кинескиот бренд Wey, кој е во сопственост на Great Wall со седиште во Велика Британија, ќе се врати на европскиот пазар, јавуваат локалните медиуми. Првиот чекор ќе биде нејзиното учество во саемот за автомобили во Франкфурт, кој започнува на 12 септември. Таму, брендот ќе прикаже најмалку два нови кросовери.

Брендот Wey е создаден во 2016 година и е позициониран над Haval во портфолиото на Great Wall. Моделите од овој бренд во моментов се продаваат само во татковината каде се достапни кросоверите VV5, VV6, VV7 и P8. Сепак, Кинезите наскоро планираат да започнат со извоз на своите модели на други пазари, вклучително и на европскиот.

Wey се појави на стариот континент во 2017 година кога во Франкфурт беше прикажан концептниот електричен кросовер XEV. Оваа година брендот повторно учествува во автомобилското шоу, а на Европејците ќе им биде прикажан различен концепт. Покрај тоа, според кинеските медиуми, европската купе верзија на VV7 GT, којашто неодамна дебитира во својата татковина – ќе биде донесена во Европа и продажбата ќе започне таму оваа есен.

Wey S

Новиот прототип се вика Wey S. Досега, марката објавува само скици од моделот, без откривање на технички детали. Судејќи според фотографиите, концептот нема традиционална решетка на предната маска, што значи дека повторно ќе видиме електричен автомобил во Франкфурт. Wey S добива и необични светла на задниот дел. Предните светла, најверојатно, имаат ласерски-луминисцентни делови – слична оптика имаше и во претходните концепти на марката, а неодамна започна да се опремува со него и серискиот модел, како што е VV7 GT.