Honda го претстави освежениот Civic Type R

Набрзо по претставувањето на редизајнираното издание на Civic, актуелната десетта генерација, во Honda слична работа направија и со најсилната верзија која веќе со години се крие зад ознаката Type R.

Еден од најдобрите спортски модели од C сегментот доби нешто поголема маска на ладилникот, а во понудата е и нова сина боја на каросеријата (Boost Blue) која Honda нема да ја нуди со послабо моторизираните Civic модели. Промените во кабината вклучуваат нов управувач обложен со алкантара и поинаква рачка на менувачот која се карактеризира со исклучително краток од.

Јапонците истакнуваат дека технолошкиот пакет на безбедносни системи се на високо ниво, како и дека вклучува AEB, адаптивен темпомат, систем за детекција на сообраќајни знаци, самостојно одржување на возилото во сообраќајната лента, и така натаму…

Со оглед на категоријата во која припаѓа Civic Type R, одлично е што во Honda во пакетот освежување уфрлија и новоразвиени кочници со диск плочки кои се помалку наклонети кон прегрејување, а рекалибриран е и управувачкиот систем и системот за потпирање чии адаптивни амортизери во режимот Comfort сега ќе обезбедат поголема безбедност.

Освежениот Civic Type R под хаубата и понатаму го има 2,0-литарскиот четирицилиндричен турбодизел мотор кој развива 320 КС и 400 Nm најголем вртежен момент. Преносот на силата на предната осовина на која и помага ограничената механичка блокада на диференцијалот се одржува со посредство на рачен 6-степен менувач со скратени преносни односи, а сето тоа е доволно Civic Type R од нула до „стотка“ да стигнува за 5,8 секунди и да развие 272 километри на час. За претходно најавената уште посилна верзија во Honda засега молчат.