Hyundai објави тизери за Seven концептот

Hyundai Seven концептот е најава за продукцискиот Ioniq 7 електричниот SUV на компанијата, кој според претходните најави од Hyundai, ќе пристигне на пазарот кон почетокот на 2024 година во слична димензија со Palisade и ќе нуди конфигурација со шест и седум седишта.

Корејскиот производител не откри премногу детали за концептот, ограничувајќи ги информациите за неколку дизајнерски избори на екстериерот, како што е светлечката архитектура која е комбинација на она што е веќе видено кај Ioniq 5 и Staria, како и „лаунџ“ амбиентот и користењето на еколошки материјали во внатрешноста.

„Тизер фотографиите откриваат форма по функционален дизајн што се осмелува да се разликува од традициите на ерата на моторите со внатрешно согорување. Архитектурата на осветлувањето на Seven е дефинирана од Parametric Pixels, уникатниот дизајнерски идентитет на Ioniq што ги поврзува аналогните со дигиталните емоции“, велат од Hyundai.

„Внатрешноста на Seven сугерира премиум и персонализиран салонски амбиент, продлабочувајќи ја вселенската иновација што Hyundai Motor ја покажа со Ioniq 5. Мебелот направен со еколошки и одржливи материјали нуди префинето, еколошко искуство на мобилност што ги одразува променливите животни стилови на неговите клиенти“, додаваат од компанијата.

И додека останува нејасно што ќе донесе концептот, Hyundai претходно потврди дека сите Ioniq модели ќе бидат поставени на нивната E-GMP платформа и дека Ioniq 7 ќе ги користи новите SK Innovation батерии со капацитет од 100 kWh и 800-волтна технологија, нудејќи опсег од над 480 километри и брзо полнење со тоа што полнењето од 10 до 80 проценти ќе се врши за само 18 минути. Исто така, ќе има и верзија со погон на сите четири тркала и поставка со два електромотори со вкупна моќност од 313 КС.