Hyundai со зголемен профит благодарение на новите SUV
Hyundai објави пораст од 26 проценти на оперативната добивка за првата половина од 2019, благодарение на воведувањето на новите SUV, како Palisade и Kona
Корејскиот производител на автомобили сака да го задржи својот новооткриен импулс на пазарот, особено во САД. Hyundai планира да понуди уште повеќе со цел да се израмни со побарувачката на пазарот.
Genesis потврди дека ќе го понуди својот прв SUV на пазарот пред крајот на оваа година, додека Hyundai, исто така, ќе го лансира субкомпактниот Venue во САД оваа есен, со почетна цена под 20.000 долари.
Новиот Hyundai Venue ќе се наоѓа под Kona во опсегот и ќе биде понуден со природно аспириран 1,6 литарски четири-цилиндарски мотор, поврзан со шест-степен мануелен менувач или CVT менувач. Сите верзии ќе доаѓаат само со погон на предни тркала.
Силната изведба на Hyundai во Кореја и САД доаѓа и покрај континуираното забавување на глобалниот економски раст, помагајќи на компанијата да го неутрализира падот на продажбата во Кина, поради комбинацијата на трговската војна со САД и недостатокот на локално конкурентни модели.
