Hyundai Venue официјални скици
Hyundai на 17-ти април оваа година на саемот за автомобили во Њујорк ќе го промовира новиот модел Venue
Додека се чека официјалната промоција на новиот модел, компанијата денес објави нови цртежи за истиот. И покрај официјалните фабрички цртежи Hyundai Venue веќе е виден без маска на шпиунски фотографии кои беа објавени на интернет.
Инаку овој модел е Crossover Utility Vehicle или CUV и е помал од Hyundai Kona. Ова возило е наменето за помладата популација и се очекува да биде тренди возило, на што асоцира и неговото име Venue кое означува место каде луѓето сакаат да бидат видени. Засега е позната само палетата на мотори наменета за индискиот пазар, каде Venue ќе биде достапен со 1.0 литарски турбо мотор, како и 1.4 литарски бензински мотор и 1.4 литарски дизел мотор.
