И Ford е пред влез во F1, наскоро потпишува договор со Red Bull

Во декември беше објавено дека Ford размислува за спонзорски договор со Red Bull, откако пропадна договорот на тркачкиот тим во Formula 1 со Porsche. Сега, има се повеќе докази кои сугерираат дека американскиот производител на автомобили е заинтересиран да најде начин за влез во најбрзиот циркус на планетата.

Зборувајќи за Motorsport, Марк Рашбрук, шефот на Ford Performance, рече дека неодамнешниот раст на спортот и неговото зголемено признание во САД го прават атрактивна перспектива за „Синиот овал“.

Запрашан за гласините конкретно за Red Bull, Рашбрук одговори дека Ford „не ги коментира шпекулациите, но истото е и со сите овие серии што се таму. Наша одговорност е да ги проучуваме и разбереме, а потоа да донесеме одлука дали има смисла или нема смисла“.

Ford сака да го искористи пропаднатиот договор меѓу Red Bull и Porsche

Претходните извештаи сугерираа дека, за разлика од Porsche, чиј договор со Red Bull, наводно, бил раскинат од F1 тимот од страв дека производителот на автомобили бил заинтересиран да преземе преголем дел од тимот, Ford едноставно сакал спонзорски договор со новосоздадениот оддел за погонски единици на Red Bull.

Навистина, претстојните правила кои наложуваат моторите во F1 да користат синтетички горива, во обид да го направат спортот поодржлив, беа забележани од Рашбрук како атрактивен агол за Ford бидејќи сè уште има возила со мотори со внатрешно согорување за продажба.

„Одржливото гориво дефинитивно е нешто за што сме заинтересирани, но тоа веќе го правиме во други серии“, рече Рашбрук. „WRC го има тоа, почнувајќи од минатата година, и тоа беше одличен дел од приказната и учењето за нас. Возилата што ги продаваме, некои региони се префрлаат на целосно електрични побрзо од другите, некои ќе останат со мотор на внатрешно согорување подолго“.

Влегувањето на неговиот меѓуградски ривал во спортот, во форма на потенцијално партнерство помеѓу Cadillac и Andretti Global, исто така беше забележано како точка на интерес за Ford. Иако Рашбрук рече дека GM со влегувањето во F1 „не мора нужно“ да го промени својот став кон спортот, тој призна дека „ќе биде интересно да се види како тоа напредува“.

Наскоро договор со Red Bull

Според најновите информации, се очекува Ford да се приклучи на Red Bull Racing во Formula 1 гридот од 2026 година преку договор за партнерство за мотори.

Од она што засега е познато е дека гигантот за производство на автомобили ќе обезбеди финансиска и техничка поддршка во замена за моторите што ќе ги користи Red Bull Racing да бидат означени како производи на Ford. Моторите всушност ќе бидат развиени од страна на Red Bull Powertrains за новите регулативи за моторот што треба да започнат за сезоната 2026 година.

Американскиот производител на автомобили има долга историја на учество во највисоката форма на мотоспорт. Го финансираше моторот Cosworth DFV V8 кој доминираше во Formula 1 од 1967 година до раните 1980-ти. Ford исто така го поседуваше тимот на Jaguar F1 во раните 2000-ти и на крајот го продаде тимот на Red Bull по сезоната 2004 година.