Jeep ја претстави европската верзија на освежениот Wrangler

Stellantis ја претстави европската верзија на ажурираниот Jeep Wrangler за 2024 година, која добива малку изменет стил, повеќе технологија во кабината, поголема способност за теренските патишта и изненадувачки камбек за неелектрифицираниот 2,0-литарски мотор на одредени пазари заедно со 4xe plug-in хибрид.

Европскиот Jeep Wrangler за 2024 година е достапен во верзиите Sahara и Rubicon. И двете се одликуваат редизајнираната решетка со седум отвори што дебитираше во моделот со американски спецификации претходно оваа година, со различни акценти за секое ниво на опременост. Други нови карактеристики вклучуваат „стелт антена за патека“ интегрирана во предното стакло, 5 нови дизајни на тркалата од 17 до 20 инчи и нова Anvil нијанса за екстериерот. Стандардниот тврд покрив е обоен во боја на каросеријата кај Sahara, односно во црна боја кај Rubicon, со тоа што Sky One-Touch е опционален.

Големата вест во кабината е усвојувањето на 12,3-инчниот екран на допир за инфозабавата Uconnect 5, заменувајќи ја претходната 8,4-инчна единица и додавајќи повеќе функции. Двојните порти за USB од тип C на предниот ред нудат побрзо полнење, со до 7 USB (тип А и тип C) порти за сите патници. Акустичното предно стакло, подебелите патосници и дополнителната пена што го намалува звукот обезбедуваат потивко возење, при што стандардниот Alpine Premium аудио систем со 9 звучници е одговорен за забавата.

Jeep тврди дека Wrangler доаѓа со повеќе од 85 достапни активни и пасивни безбедносни карактеристики. Ново за 2024 година се надградените безбедносни појаси од вториот ред, структурните подобрувања за странични удари, стандардните странични завесни воздушни перничиња за двата реда и повеќе ADAS, вклучувајќи го новото предупредување за замор кај возачот, предупредување за напуштање лента и информации за сообраќајните знаци.

Опција со PHEV и со внатрешно согорување

И покрај фактот дека претходниот Wrangler со европски спецификации дебитираше во 2022 година како 4xe со PHEV погон и Jeep сакаше да ги прекине сите модели кои се само со мотор на внатрешно согорување од својата гама на Стариот континент (настрана од Италија), плановите се сменија. За 2024 година, компанијата одлучи да го врати неелектрифицираниот 2,0-литарски четирицилиндричен мотор со турбо полнач во ограничена серија модели за одредени пазари, вклучувајќи ги Германија, Италија, Полска и Шпанија. Агрегатот, кој е компатибилен со регулативите за емисија на издувни гасови Euro 6D-Final, произведува 272 КС и 400 Nm вртежен момент и е исклучиво поврзан со 8-степен автоматски менувач.

Jeep Wrangler 4xe останува широко достапен низ цела Европа, комбинирајќи го 2,0-литарскиот четирицилиндричен мотор со турбополнач со електричен мотор и батерија од 17 kWh. Оваа поставка нуди комбинирана моќност од 380 КС и 637 Nm вртежен момент и опсег на движење до 51 километри во урбана средина. За 2024 година, Jeep го опреми PHEV моделот со Power Box, вклучувајќи приклучоци од 4 x 230 волти што можат да напојуваат и да полнат надворешни уреди.

Во оф-роуд делот, Sahara стандардно доаѓа со цврсти оски Dana, системот Selec-Trac 4WD и кутија за пренос со две брзини. Rubicon ја додава следната генерација на цврста задна оска Dana 44 HD во комбинација со Rock-Track преносна кутија, електронско исклучување на предната балансна шипка, заклучување на предната и задната оска Tru-Lok и помасивни BFGoodrich теренски гуми со што дополнително се подобрува неговата препознатлива способност за оф-роуд.

Првите примероци на Wrangler од 2024 година се очекува да пристигнат во европските дилери во првата половина на 2024 година. Цените ќе бидат објавени пред самото лансирање на пазарот. Jeep рече дека сите негови модели ќе понудат електрифицирана варијанта до 2025 година, пред да стане чисто електричен бренд во Европа до 2030 година.