Лос Анџелес 2019: Kia го освежи Niro Hybrid

Споредено со моделот во заминување, новиот Kia Niro Hybrid има редизајнирани предни и задни браници, LED дневни светла, LED задните светлосни уреди и нови 16 и 18-инчни фелни.

Во внатрешноста, 7,0-инчниот дигитален инструмент панел е освежен, а кај основните модели поставен е 8,0-инчен инфозабавен систем. На опционалната листа, достапен е поголем 10,25-инчен екран, премиум аудио систем Harman/Kardon, амбиентално осветлување со шест бои, електронска паркинг сопирачка и регенеративен систем за сопирање.

„Тешко е да се подобриме со добитна формула, но секогаш се стремиме да го подобриме секој производ што го продаваме. Подобрениот Niro Hybrid им овозможува на новите сопственици најново и најголемо достигнување, притоа задржувајќи ја вредноста, корисноста и перформансите на оригиналниот Niro“, изјави за моделот Мајкл Кол, претседател на Kia Motors America.

Погонот останува ист и комбинира 1,6 литарски бензински мотор со електричен мотор и 1,56 kWh литиум-јонска полимерна батерија. Вкупниот излез е 139 коњски сили 264 Nm вртежен момент.

Kia ќе го лансира новиот Niro Hybrid кон почетокот на следната година, а Niro PHEV ќе се појави во почетокот на 2020 година со слични ажурирања.