Краток тест Jaguar XE: Движење кон спортската насока

По речиси четири години на пазарот, британската марка реши да го измени тековниот модел со цел да го одржи свеж помеѓу силната конкуренција во сегментот на седани од средната класа, каде суверено владеат германците. Со новиот XE, Jaguar се надева на редефинирање на концептот за луксузен спортски седан, кој ќе стане Автомобилот во класата. Неговата лесна конструкција, спортската силуета, луксузниот ентериер и извонредно возење и ракување, се сведоштво за визијата на основачот на компанијата Сер Вилијам Лионс: „Автомобилот е најблиското нешто што некогаш ќе го создадеме до нешто што е живо“.

Дизајнерски знаци инспирирани од F-Type

Новиот стил на надворешниот дизајн на Jaguar XE е широко рафиниран за да овозможи убави детали и впечатлив, силен став. Како продолжување на прекрасно креираните пропорции на оригиналниот автомобил, намерата за XE да се придвижи во насока на спортските купе-а, е инспирација повлечена од спортскиот автомобил на компанијата, Jaguar F-Type.

На прв поглед, предниот дел на моделот изгледа поширок и понизок од порано, што главно се должи на новиот дизајн на пошироката централна решетка, пропратена од смелите графики и поголемите и поостри решетки. Мускулната форма со јасно дефинирани профили придонесува кон поагресивниот изглед на XE. Нов светлосен потпис во форма на „J“ е обезбеден со целосно новите LED предни фарови, кои исто така имаат задача да го карактеризираат смелиот изглед на автомобилот.

Надворешност 1/3 |

Надворешност 2/3 |

Надворешност 3/3 |

Движејќи се кон задниот дел, она што прво се забележува е новиот браник и дифузер, кои покрај тоа што ја подобруваат визуелната ширина на автомобилот, туку и оставаат впечаток дека имаат значително влијание кон аеродинамичките перформанси на автомобилот. Кон подобрениот став на XE придонесуваат и тенките LED светла со ажурирани графички, кои се всушност еволуција на оние употребени кај F-Type. Тие обезбедуваат нов светлосен потпис на задниот дел на автомобилот и истовремено го нагласуваат неговиот спортски карактер. Со цел да се заокружи новиот изглед, понудениот спектар на тркала е ревидиран, па сега достапен е асортиман од вкупно 11 модели фелни, во големина од 17 до 20 инчи.

Ново ниво на луксуз

Целокупниот луксузен и технолошки спакуван ентериер кај новиот XE обезбедува поголема удобност, квалитет и практичност за сите патници. Секој аспект на кабината е подобрен со поголемо внимание на деталите, подобрено складирање и подобра удобност на патниците. Материјалите меки на допир се застапени по целата кабина, а редизајнираните облоги на вратите, страничните делови на конзолата и горниот дел од инструмент таблата се со премиум завршетоци. Премиум чувството е засилено со воведувањето на Touch Pro Duo, кој може да се види и кај целосно електричниот i-Pасе на Jaguar.

Системот е изведен со 10-инчен инфозабавен систем, пропратен од 5-инчен дисплеј со екран на допир поставен под него, кој се користи за прилагодување на поставките поврзани со клима уредот, преку новите мултифункционални ротирачки прекинувачи. Кабината добива и нов ревидиран управувач, кој сега е со нова форма, целосно нова спортска рачка од менувачот која доаѓа како замена на досегашната ротациона, како и безжичниот полнач за паметни телефони, кој се наоѓа на листата на дополнителни опции, заедно со head-up дисплејот.

Внатрешност 1/3 |

Внатрешност 2/3 |

Внатрешност 3/3 |

Технолошки подобрен

Луксузен спортски седан со себе носи иновативна технологија, најнови системи и подобрена поврзаност во компактната класа на седани од средна големина. Во поглед на безбедносните систем, новиот XE сега ги добива системот кој го следи однесувањето на возачот, а притоа соодветно делува со регулирање на акцелераторот и сопирачките. Достапна е и технологијата Park Assist, која може да идентификува соодветни паралелни и нормални места за паркирање со помош на ултразвучни сензори.

Поедноставен погонски спектар

Дизајниран и конструиран да овозможи најдобро ракување и највисоко ниво на динамичност во својата класа, новиот Jaguar XE добива пофокусиран опсег на мотори и ги презема контролите на возачот директно од F-Type, потенцирајќи го неговиот спортски карактер. Конструкцијата на XE, за алуминиумски каросерија е исклучително стабилна, но лесна структура, заедно со двојните „V“ водилки кај предна суспензија и задната интеграл-линк оска, е фундаментална за динамиката карактеристична за едно спортско возило. Алуминиумот сочинува 75% од каросеријата на моделот и се комбинира со погон на задните, односно на сите тркала, вклучувајќи ги и најнапредните мотори на Jaguar, за беспрекорно ракување и перформанси.

Кај претходниот XE, погонскиот спектар беше навистина сложен и широк, со преку десеттина различни конфигурации. Оваа листа е значително скратена, па така ажурираниот британски седан сега е понуден со само неколку бензински и дизел Ingenium мотори. Од бензинските единици, достапен е 2.0 Ingenium мотор, кој доаѓа во две варијанти и тоа со моќност од 300 и 250 коњски сили и погон на сите четири тркала. Во дизел варијанта, XE достапен е само со 2,0 литарската единица, кој испорачува моќност од 180 коњски сили и 430 Nm вртежен момент, а со оглед на тоа што токму ваквиот модел го имавме на тест, можеме да кажеме дека соодносот на ефикасност и перформанси е одлично избалансиран.

Поврзан со седум-степен автоматски менувач и погон на задните тркала, ваквата конфигурација на XE може слободно да кажеме дека е навистина возбудлива за управување. Респонсивен погон, прецизен, со брзи реакции, а и самата бројка на вртежниот момент си го прави своето, во поглед на понудените перформансни карактеристики. Одлично држење во свиоци, дури и при поголеми брзини, агилно однесување, со високо ниво на удобност кај еден ваков спортски седан. Во поглед на потрошувачката, за време на неколкудневното тест возење, претежно во градски услови, овој мотор се покажа и прилично ефикасен, со просечна потрошувачка на гориво која се движеше во границите од 10,2 до 10,7 литри на 100 изминати километри.

Цената на тестираниот модел изнесува 59.000 евра.

Технички карактеристики за Jaguar XE 2.0 180HP:

Jaguar XE во Македонија:

Повеќе информации во Аутомобили Гроуп или на тел. (02) 3093 024.

Конкуренти:

Британскиот луксузен седан низ објективот на Авто Плус: