Lancia Delta Safarista рестомод од Automobili Amos

Lancia Delta Safarista рестомодот е најновото дело на каросеристот Automobili Amos. Станува збор за модел кој е базиран на Delta Integrale 16V со дополнителни рели карактеристики, а оваа конверзија самата по себе чини вртоглави 570.000 евра. Automobili Amos ќе произведе до 10 примероци на Lancia Delta Safarista, со што ќе се обезбеди вистинска ексклузивност на моделот.

Модификациите на екстериерот вклучуваат специјално направена каросерија од карбон со три врати и широк боди кит кој вклучува коцкасти предни крила, мускулеста хауба и голем заден спојлер. Во споредба со другиот модел на компанијата базиран на Lancia Delta, наречен Futurista, системот на потпирање кај Safarista e подигнат, а тркалата се обложени со оф-роуд пневматици кои му овозможуваат да го совлада секој терен. Тука се и редизајнираните предни и задни браници и штитници за кал.

Исто така, кабината е целосно соголена за да се добие наменскиот изглед. Automobili Amos додаде целосен заштитен кафез за дополнителна безбедност, пар тркачки седишта, дигитален инструмент кластер зад управувачот, рачна сопирачка во тркачки стил, резервно тркало, противпожарен апарат и тапацир од Алкантара на контролната табла.

Турбо 2,0-литарскиот мотор од оригиналниот Integrale модел е унапреден со нов разладувачки систем за вода, масло и воздух со цел да реагира подобро во сурови околности. Моќноста се испорачува на сите четири тркала преку секвенцијален менувач со помош на рели диференцијали. Шасијата е засилена со цел да ги пресретне Group A регулативите, а моделот исто така е опремен и со подесувачки систем на потпирање, унапредени сопирачки и челични дискови, како и спортски резервоар и хидраулична рачна сопирачка.