Мет Дејмон ќе го игра Карол Шелби
Холивудската ѕвезда Мет Дејмон ќе се најде во главна улога во филмот каде ќе го игра легендарниот тркач и конструктор Карол Шелби
Станува збор за филм за ривалството меѓу Ford и Ferrari на легендарната трка 24 часа Ле Ман кон крајот на 60-тите години. Филмот ќе биде во режија на Џејмс Манголд, а со сценариото ќе го подготват Џез и Џон Хенри Битервурт, познати со работа на фантастичната акција „На работ од утре”.
Заплетот ќе се развива во текот на 1964 година, кога група инженери под раководство на Карол Шелби и Мајлс почнуваат развој на Ford GT40 со цел да го победат до тој момент несовладливиот Ferrari. Две години подоцна возилото победува на 24-те часа Ле Ман. Улогата на инженерот Кен Мајлс, кој развива тркачки автомобили за Синиот овал, ќе го игра Кристијан Бејл.
Филмот ќе биде прикажан премиерно на 28 јуни 2019 година.
