Mazda MX-5 добива низа ажурирања за 2020
Mazda MX-5 Miata ќе добие голем број на ажурирања кога ќе влезе во својата 31-та година на производство
Прегледана на Саемот за автомобили во Токио минатиот месец, освежената Mazda MX-5 на својот домашен пазар пристига во почетокот на 2020 година, додека на останатите се очекува нешто подоцна.
Едно од главните ажурирања е воведувањето на новата боја, наречена Polymetal Grey Metallic, за прв пат видена на целосно новата Mazda 3 оваа година. Оваа нова боја се вели дека го спојува цврстиот изглед на металот со карактеристична сјајна мазност на пластика, истакнувајќи ја течната форма на телото MX-5.
Изгледот е надополнет со нови 16-инчни алуминиумски фелни, развиени со Rays. Благодарение на овие фелни, тежината се намалува за 3 килограми, со што се добива уште подобра возна динамика. Клиентите исто така можат да се одлучат и за понудената опција на Brembo предни сопирачки.
Ажурирањата се застапени и во внатрешноста, каде MX-5 сега добива „Burgundy Nappa“ кожа, комбинирана со светло сиви шивови за полуксузен амбиент. Производителот исто така направил измени и во поглед на материјалите, со цел да обезбеди подобра удобност и поквалитетен изглед.
Под моторниот капак, ништо не се менува. Освежената Mazda MX-5 и понатаму ги нуди четирицилиндарските бензински мотори SkyActiv-G 1.5 и SkyActiv-G 2.0, со шест-степен рачен или автоматски менувач.
