Mazda Vision Coupe е најдобар прототип во Женева

Ова беше соопштено за време на специјалниот настан Car Design Night. Дебито на јапонскиот концепт беше во декември минатата година во изложбениот салон во Токио, а ова му е европска премиера.

Жирито на конкурсот беше составено од 18 луѓе, вклучувајки ги главните дизајнери на најголемите производители на автомобили. За Mazda Vision Coupe, ова е втора награда, откако автомобилот беше прогласен за најубав прототип за 2017 година.

Купето со четири врати има 21-инчни тркала, а за изгледот се користат дрво и кожа. Голем дисплеј се наоѓа на врвот на централната конзола. Претставниците на јапонската компанија не открија технички карактеристики за прототипот.