Mini Vision Urbanaut стана реален концепт

Концептот Mini Vision Urbanaut оригинално беше претставен минатиот ноември како дигитална креација, а сега истиот се трансформира во физчко возило, кое ќе го доживее своето деби на DLD Summer на 1 јули. Покрај ова, физичкиот концепт реално ги отсликува претходните рендери, а Vision Urbanaut е футуристичко комбе кое има една лизгачка врата и експанзивен стаклен покрив. Дизајнерите исто така му дадоа на моделот светлечки тркала, минималистичка предница и предно стакло кое може да се подигне кога возилото е паркирано.

И додека дизајнот на екстериерот со сигурност е интересен, фокусот во овој концепт е ставен на ентериерот и „паметното користење на просторот“. Кабината се одликува со возачко седиште кое наликува на фотелја од дневна соба, а концептот исто така добива и минималистичко совозачко седиште и контролна табла која се спушта и се претвора во кревет.

Необичноста на Mini Vision Urbanaut концептот не завршува тука, бидејќи добива и задно седиште налик на кауч, подметнувач и мала масичка. Во внатрешноста не е користена кожа, ниту хром, а ова е назнака за работите кои ќе се случуваат во иднина, бидејќи Mini ќе го користи овој пристап во следната генерација на своите возила. Наместо тоа, ентериерот се одликува со обновливи и рециклирачки материјали како што се текстил од рециклирана волна, полиестер и Tencel.

Како и претходно, концептот добива и таканаречени „Mini моменти“ – познати како Chill, Wanderlust и Vibe – а сите имаат свој сопствен мирис, звук и амбиентално осветлување. Chill е за опуштање или работа, додека Vibe го трансформира концептот во мини клуб со аниминирани графички прикази кои се покажуваат во внатрешноста и надворешноста на возилото. Wanderlust е единствениот режим за возење.

Од Mini не откриja голем број на други детали околу коцентптот.