Токио 2019: MX-30 е првиот целосно електричен модел на Mazda

Mazda во Токио официјално го претстави својот прв батериски електричен модел. Новиот SUV модел го носи името MX-30 и опремен е со батерија од 35,5 kWh, која му обезбедува возен опсег од 200 километри според WLTP циклусот.

Батеријата на MX-30 може да се полни преку CCS до 80% за 30 до 40 минути, а компанијата специфицира максимален капацитет на полнење на DC од 50 kW. Во зависност од пазарот, електричниот SUV ќе биде опремен и со CHAdeMO врска. Со капацитет за полнење на наизменична струја (тип 2) од 6,6 kW, процесот на полнење треба да се заврши во рок од 4,5 часа.

Јапонскиот електричен модел е напојуван од електричен мотор (AC синхрон мотор), кој испорачува моќност од 140 коњски сили и 265 Nm вртежен момент. Иако, перформансните податоци изгледаат малку непредизвикувачки во споредба со неговите конкуренти, сепак треба да се земе во обзир фактот дека Mazda го позиционира моделот како втор автомобил.

„Покрај технологиите за електрификација што ги воведуваме во целиот асортиман, како помал производител, се насочивме кон создавање електричен автомобил за кој предвидуваме дека ќе биде втор автомобил“, изјави Јасухиро Аојама, претседател и извршен директор на Mazda Motor Europe.

Новиот MX-30, кој е долг околу 4,40 метри, широк 1,80 метри и 1,57 метри висок, визуелно потсетува на CX-30, со што се чини дека Mazda навистина ја следи филозофија на „помалку е повеќе“ со нивниот дизајн на автомобили. Електричниот SUV е наменет за пет патника и има различни еколошки материјали во ентериерот. Како замена за вистинската кожа доаѓаат по „вегански“ алтернативи, како текстилни капаци направени од рециклирани пластични шишиња.

https://www.youtube.com/watch?v=GUsjmh2FSGo

Карактеристиките на Mazda MX-30 First Edition вклучуваат Mazda Connect со 8,8-инчен дисплеј и дополнителен 7-инчен дисплеј за ракување со системот за климатизација. Исто така, достапен е и head-up дисплеј. Покрај ова, новиот модел е опремен и со системи за безбедност, како итно сопирање при детекција на пешаците, предупредување за промена на лентата, препознавање на сообраќајни знаци, помош за паркирање и контрола на далечина со асистент за сообраќаен метеж.

Mazda MX-30 сега може да се резервира како First Edition со депозит од 1.000 евра. Сепак, продажбата во Германија не се очекува да започне до март 2020 година по очекуваната цена од 33.990 евра, при што испораките во Европа ќе следуваат во втората половина на 2020 година.