Најновиот модел на Rimac е автономно такси наречено Verne
Роботаксито започнува со работа во Загреб, во 2026 година, но Verne ќе се прошири во 11 градови во Германија, Британија и Блискиот Исток
Мате Римац веќе го освои светот на суперавтомобилите со електричната Nevera која постигнува рекорди, а сега сака да го направи истото и со такси превозот. Неговиот нов роботакси Verne не се стреми кон перформансите, иако со само две седишта и каросерија во стил на купе, секако изгледа поспортски од некои модели.
Verne е сосема нов модел и е дизајниран да биде без возач од самиот почеток. Тоа е причината зошто подружницата на Rimac – именувана по авторот Жил Верн – можеше да го дизајнира своето такси со само две седишта. И не станува збор за некаква грешка. Напротив, според истражувањата на фирмата, се тврди дека девет од 10 возења со такси вклучуваат само еден или двајца патници.
Клиентите го повикуваат таксито со апликација и можат да ги користат контролите на својот паметен телефон за претходно да го постават амбиенталното осветлување, температурата, па дури и мирисот пред да пристигне таксито. Кога ќе пристигне, тие влегуваат во кабината преку лизгачки врати, спуштајќи се на навалените седишта кои се дизајнирани да направат патниците да се чувствуваат како да се во дневна соба, а не во автомобил.
Нема волан за да го попречи огромниот екран од 43 инчи, кој нуди забава, како и информации за патувањето, а 17 звучници се при рака за да ги пуштат вашите омилени песни. Подлогата за допир меѓу седиштата ги контролира поставките на автомобилот, а има и нешто што се нарекува Median, за кое Rimac вели дека им овозможува на возачите да го започнат и прекинат возењето за да се чувствуваат како да имаат одредена контрола.
Кружниот стаклен хало прстен, вметнат на покривната прекривка е интересен приказ на панорамскиот подвижен покрив, а материјалите во кабината се тврди дека се дизајнирани да ја издржат употребата и злоупотребата на овие видови возила, а сепак да се чувствуваат „поканувачки, врвни и пријатни“.
Наскоро стартува со работа
Не се објавени детали за техничките спецификации, моќноста на моторот, големината на батеријата и опсегот, но компанијата откри дека платформата е скалабилна и може да се прилагоди за употреба на различни типови патишта. И тврди дека Mobileye автономниот пакет од камери, радар и Lidar може дури и да ги приспособи локалните стилови на возење.
Verne е нова компанија формирана од Мате Римац и двајца пријатели од Rimac Group, Марко Пејковиќ, извршен директор на Verne и дизајнерот на Nevera Адријано Мудри, сега главен директор за дизајн во такси бизнисот.
И самиот автомобилот не е само обичен концепт. Имено, работата на овие роботаксиња ќе стартува во родниот град на Римац, Загреб, Хрватска, каде што ќе се произведуваат такси-возилата, во 2026 година, а веќе се пријавени уште 11 градови во Велика Британија, Германија, остатокот од Европа и Блискиот Исток. Уште 30 градови ширум светот разговараат со тимот на Verne за преземање на автономните таксиња, за кои компанијата вели дека ќе го надополни јавниот превоз наместо да се натпреварува со него.
