fbpx

Nissan го претстави новиот Z Proto

Nissan 370Z беше претставен пред една деценија и веќе одамна ги помина своите најдобри години, а сега пристигнува нов Z автомобил во компанијата

Иако продажбата можеби не е како некогаш, Nissan не е подготвен да се откаже од легендарниот Z автомобил. Наместо тоа, тие го најавија моделот за следната генерација со ретро инспирираниот Z Proto. Наречен како „темелен модерен спортски автомобил“ кој оддава почит на 50-годишното Z наследство, Z Proto спортскиот автомобил пристигнува со светла и сјајна жолта флуоросцентна боја на надворешноста, која е користена и на оригиналниот спортски автомобил. Но, финишот на екстериерот не е единствениот ретро „допир“, со оглед на тоа дека хаубата и ретровизорите се оригинални, додека LED светлата во форма на капки потсетуваат на JDM 240ZG од 70-тите.

Z Proto

Иако правоаголната решетка е потсетник на моделот во заминување, дизајнерите додадоа и перки кои се потсетник на минатото. Задниот дел е нешто помодерен и влече инспирација од Nissan 300ZX и се одликува со карактеристични задни светла кои се „реинтерпретирани за модерниот свет“. Тие се врамени во црна позадина, за што Nissan вели дека се добива „остар сјај“.

Автомобилот е поставен на 19-инчни тркала и има двоен издувен систем. Исто така, автомобилот се одликува со голем број на карбонски елементи, вклучително и предниот сплитер и страничните прагови.

Кога станува збор за димензиите, Nissan Z Proto е 4.382 милиметри долг, 1.849 милиметри широк и 1.311 милиметри висок. Со ова моделот е 127 милиметри подолг, 5 милиметри поширок и 5 милиметри пократок од 370Z.

И додека екстериерот има ретро „вајб“, кабината е целосно модерна. Истата се одликува со 12,3-инчна дигитална инструмент табла и модерен инфозабавен систем. Возачите исто така ќе се сретнат со модерен управувач, жолти акценти и препознатливите мерачи.

Од Nissan не откриваат премногу детали, но истакнаа дека „добивале совети од професионални мотоспорт легенди со цел Z Proto да добие идеална спортска кабина, како за патиштата, така и за патеките“. Како дел од овие напори, тимот ги направи клучните контроли и информации полесно достапни за возачите.

Од компанијата исто така потврдија дека автомобилот се напојува со битурбо V6 мотор кој е поврзан со шестстепен мануелен менувач. Од Nissan се уште не зборуваат за официјални бројки, но посочуваат дека новиот Z има поголема моќност од неговиот претходник.

Z Proto

Моторот се очекува да биде позајмен од Infiniti Q60 Red Sport 400. Ова значи дека можеме да очекуваме моќност од речиси 406 КС и 474 Nm максимален вртежен момент. Тоа би бил сериозен напредок со оглед на тоа дека актуелниот 370Z има 3,7-литарски V6 со 337 КС и 366 Nm.

Nissan не откри кога продукцискиот модел ќе пристигне, но веројатно би требало да дебитира кон почетокот на следната година. Американците претпоставуваат дека цената ќе изнесува околу 40.000 долари.

Поврзани вести

Back to top button