Новиот McLaren GTS доаѓа со повеќе моќност и помала тежина

Најновиот McLaren пристигна и добива едноставно име – GTS. Направен да го замени актуелниот GT, овој нов суперавтомобил тежи помалку и испорачува поголема моќност.

McLaren GT беше можеби најпријателскиот и најнеценетиот автомобил во неговото семејно стебло. Новиот GTS има за цел да долови малку повеќе агресивност и перформанси без да ја изгуби својата „секојдневна“ намена. За таа цел, тој располага со низа нови адути од карбонски влакна.

За почеток, McLaren GTS добива битурбо 4,0-литарски V8 кој произведува 635 КС. Тоа е 14 КС повеќе од автомобилот во заминување. GTS, исто така, тежи само 1.519 килограми или околу 9,97 кг помалку од GT. Повеќе моќ и помала тежина сигурно ќе помогнат во создавањето привлечно возачко искуство. Всушност, новиот автомобил забрзува од место до 200 км/ч за само 8,9 секунди, а до 100 км/ч за 3,2 секунди, со што го надминува GT. Новиот адут на британската марка може да достигне и 327 километри на час. Сепак, тоа не е се.

Монококната шасија од карбон го користи она што McLaren го нарекува Интелигентна адаптивна суспензија за да обезбеди оптимално возење. Исто така, добива опционален систем за подигање на предната оска кој е над двапати побрз од актуелниот GT, а потребни се само 4,0 секунди за целосно подигање или спуштање на носот. Купувачите, исто така, имаат можност да го персонализираат автомобилот со повеќе опции отколку порано, вклучувајќи Lava Grey боја и уникатни GTS Turbine ковани алуминиумски тркала.

„Новиот McLaren GTS нуди неспоредлив спој на McLaren возна динамика и перформанси, со префинетост и практичност. Кога сакате вистинско искуство во возењето со суперавтомобил, GTS го обезбедува тоа; кога сакате да се опуштите на подолго патување со багаж за викенд, GTS е идеален придружник. Ова е автомобил кој е верен на тркачката ДНК на McLaren, но со повеќе слоеви на способности“. изјави Мајкл Лејтерс, извршен директор на McLaren.