Обновената Suzuki Vitara доби нови мотори
По околу четири години на пазарот, актуелната генерација на Suzuki Vitara доби мало освежување
Дотерувањето вклучува мали визуелни подобрувања и многу новини под лимаријата. Исто така, има мали промени во внатрешноста. Сепак, најважната иновација за редизајнираната Suzuki Vitara се двата турбо мотори. Станува збор за добро познатите изведби на јапонскиот бренд, 1.0 и 1.4 турбо бензински мотори, кои беа лансирани со S-Cross.
Тие ја заменуваат постојната 1.6-литарска единица и ќе бидат достапни со 110 и 140 КС. Во стандардната опрема на моделот веќе влегуваат Lane Departure Warning and Prevention, Traffic Sign Recognition, Blind Spot Monitor, Rear Cross Traffic Alert и Dual Sensor Brake Support.
Продажбата на обновениот модел се очекува да започне оваа есен, кога ќе бидат објавени и цените на моделот.
