Пад на побарувачката на автомобили во Европа

Слабеењето на побарувачката на нови автомобили се должи на слабеењето на водечките пазари во Западна Европа кој го надмина малиот раст во земјите на „нова” Европа, вклучително и во Хрватска. Помеѓу јануари и август, регистрирани се 10,52 милиони нови автомобили во 27 земји на ЕУ (со исклучок на Малта), што е намалување за 3,2 проценти во однос на истиот период минатата година.

Побарувачката на нови автомобили во првите осум месеци од годинава ослабе на четири од петте водечки пазари, вклучувајќи ги Франција, Велика Британија, Италија и Шпанија, но се зголеми само на најголемиот пазар, Германија, за 0,9 проценти. Споредбено во земјите на „стара“ Европа, побарувачката опадна за 3,6 проценти, додека во „нова“ Европа се зголеми за 1,2 проценти, открива ACEA.

Месец август бележи најголем пад оваа година, што е за 8,4 проценти поголем во однос на истиот месец минатата година. Според извештајот во јули месец побарувачката за нови автомобили во ЕУ бележи раст од 1,4 проценти.