Пекинг 2018: Mercedes-Benz ја претстави A класа седан
Уште не стигна до дилерските центри на брендот во Европа, новата генерација на хечбек Mercedes-Benz A класа, компанијата веќе ја претстави и седан верзијата од истото семејство
Всушност, Германците ја покажаа проширената верзија на моделот, кој е наменет само за пазарот во Кина.
Таму ова издание ќе биде произведувано од Beijing Benz Automotive Co., заедничка фирма на Daimler и BAIC Motor. Кинескиот Mercedes A класа L Sedan е создаден по урнек на пред една година претставениот концептен модел A Sedan. Новината е со должина од 4.609 mm, а само за споредба, C класа е долга 4.701 mm.
Ширината на седанот е 1.795 mm, височината е 1.460 и растојанието помеѓу двете оски е 2.789 mm. Значи, автомобилот е подолг за 190 mm и 20 mm повисок од европскиот модел, а растојанието помеѓу двете оски е зголемено за 60 mm. „Кинескиот” собира 420 литри во својот багажник, што е за 50 литри повеќе од хечбекот.
Во агрегатскта понуда се два мотори, со зафатнина од 1,33 литри, достапен со моќ од 136 и 163 КС и 2,0-литарски со 190 КС. За нив е обезбеден 7-брзински роботизиран менувач. Како и хечбекот, така и седанот доби нов инфо-забавен комплекс MBUX кој во топ-верзијата си има два 10,25-инчен дисплеј, како и низа асист-состави, преземени од S класа. Моделот ќе биде објавен во Кина во втората половина на годината, како конкурент на седанот BMW 1. Во исто време, ќе биде достапна и стандардна верзија со меѓуоскино растојание како за остатокот од светот.
