Пекинг 2020: Peugeot 508 L Performance
Peugeot го прошири опсегот на 508 L за кинескиот пазар со претставувањето на новиот Performance модел наречен 400 THP на Салонот во Пекинг
Базиран на верзијата со продолжено меѓуосовинско растојание која е ексклузивна за кинескиот пазар, Peugeot 508 L Performance 400 THP го зазема местото меѓу 360 THP и plug-in хибридната варијанта која ќе пристигне на крајот од годинава и има 211 КС при 5.500 вртежи во минута и 300 Nm максимален вртежен момент од 1.900 до 4.500 вртежи во минута.
Peugeot 508 L 400 THP се одликува со покрив во црн финиш, темна решетка и двобојни 18-инчни тркала. Други карактеристики кои го издвојуваат од остатокот на опсегот се кожните седишта во црвена боја и црната покривна прекривка. Освен тоа, автомобилот ќе се нуди и со додатоци како систем за воздушна филтрација и i-Cockpit.
Електрифицираната гама на Peugeot исто така е присутна на Салонот во Пекинг. Претставени во Гвангжу кон крајот на минатата година и лансирани во мај годинава, е-2008 и 2008 кросоверите се поставени и на штандот во Пекинг, како и 4008 plug-in хибридот, SUV моделот 5008 и седанот 408.
Peugeot продолжува и со славењето на својата 210-годишнина на кинескиот Салон за автомобили со претставувањето на посветениот слоган и со покажувањето на новото специјално лого.
„Низ 210-годишната историја, брендот Peugeot, со својот дух на иновативност, постојано е на фронтот на автомобилскиот дизајн и технологија, секогаш стремејќи се да го унапреди возачкото задоволство. Peugeot секогаш бил способен да се адаптира на промените на своето време за да ги реосмисли стандардите на мобилноста“, изјави генералниот менаџер на Dongfeng Peugeot, Давид Гуерин.
